20 مايو، 2024 4:22 م
Search
Close this search box.

الخاولي والمناضل سيمو

عمي حمدوا ربكم أن السواد فقط ببختكم، ترى غيركم السواد وصل حتى لـ (…..س) مرته، وإللي يسمع ويعرف مصيبة غيره تهون عنده مصايب الديمقراطية، وهمين حمدوا ربكم لأن عايشين بضيق، لأن غيركم راح دگ أبواب المستشفيات حتى يتمتع بأشوية ضيق، الضيقة مريودة، وأسألوا المناضل سيمو شلون الضيقة مريودة، وشلون تصير الحالة ما تنراد من واحد … اقرأ المزيد

كارت أحمر

يمعودين لحگوا بحالكم، ترى الشغلة مستوية، والمليشيات بكل مكان ترى مثل القنبلة الموقوتة، والمصيبة ما تعرف توقيتها بيد من وإشوكت، بس هناك تسمع الطلقات، وشيفيد بعدين. وهاي المليشيات ماخذة من جهل الناس قوة إلها، مو شرط مليشيات دينية أو طائفية، لا ، هي كل مجموعة مسلحة تحمل سلاح بسبب تطرفها تجاه عقيدة هي مؤمن أنها … اقرأ المزيد

القاموس السياسي العراقي – الجزء الثاني

عزيزي المواطن إستخدم كل مواهبك التحليلية في ترجمة هذه القطعة بحسب ضميرك المستوي: جوي زواع الگاع وجوعية من كل مكان وصار حالنا شردانة بحلگ واوية ومحد ينطيها، والحظ الخرة طلعوا الكل يحبون ياكلون الكيك شماچان نكهة الكيكة، ونعلة عالحظ لا بيهم سكر ولا ضغط ولا فرد يوم واحد بيهم إنمطل، وهمين يحبون يغمسون الكعكة بچاي … اقرأ المزيد

القاموس السياسي العراقي – الجزء الأول

بعد ما شبعنا في العراق من الديمقراطية وطلع إلنا كرش وصار عدنا سكر وضغط وكوليسترول وجلطة بالدماغ سببت شلل وصعوبة الفهم والتخطيط والحساب، بعد كل هذا وذاك، وحتى اللي يجون ورانا يفتهمون شنو الموضوع والفلم مو مثلنا دبنگ ولحد الآن ما نعرف منو المخرج وشنو قصة الفلم، فلازم نعوف إلهم كتاب ودليل يستخدموه حتى يعرفون … اقرأ المزيد

إنتظروا ساحرة ساندريللا

هذولة إللي شادين وصلة الوطنية وديرگصون ويهوسون بشعارات حب الوطن، هذولة كلهم لو تجيهم لأي واحد منهم نفس ذيچ الساحرة إللي طلعت لساندريللا وخلت الحظ يجي من قندرة، لو يجيهم هيچ حظ وبين ساعة ودقيقة يصيرون بنص بيت كبير 600 متر بس البناء، والحديقة مليانة أشجار الساكس بكل ركن، والثيل أخضر حتى بنص تموز وآب، … اقرأ المزيد

عوووووووو

الكلب من يصير جربان شنو كان نوعه وثمنه يلعب النفس وينذب ، يا إما في الشارع في الدول اللي بيها حقوق الموت والقتل بالشوارع في إنتظار سيارة تسحگه وتهرسه، ويا إما يحرگوه في الدول إللي بيها حقوق الحيوان والإنسان حتى جرب الكلاب لا ينتشر بين الكلاب المدللة، وبعدين ينطون رماده لصاحبه يخلي في مزهرية يم … اقرأ المزيد

سيادتكم علينا

العراق… أو عيراق ، وأرجو عدم ترك الفراغ الدستوري بنص كلمة (عيراق) رغم أن الحالة إللي إحنا بيها هي تماماً حالة دخول نص الكلمة عيراق في الثغرة الدستورية الشرعية وغير الشرعية. هذا العراق – عيراق هسة أكبر معرض مزادات بالعالم…. قاعات داخلية وخارجية… مزاد وطنية تعال.. مزاد بيع چلاب مسلحة تعال.. مزاد دين وديانة تعال.. … اقرأ المزيد

هدايا إلى بابا نوئيل

مثل ما تشوفون الكل ديغيّر اللعبة بحسب الهوا والريح وتغيير حَكَم اللعبة، وهسة خلونا إحنا همين نغيّر لعبتنا وي شيخ الملتحين والمخادعين آية الله الرفيق بابا نوئيل أدام الله أهوووووو هوووووو وميري كريسماس مالته وكبّر محيط كرشه العامر. والتغيير إللي نسوي بلعبتنا وي الرفيق بابا نوئيل هو إحنا راح ننطي هدية مو ننتظر حتى حضرة … اقرأ المزيد

وزير ثقافة العصابات

صار عدنا وزير ثقافة والهلاهل ما سكتت من حلوگ المطبلين عساس الثقافة أخيراً جاها واحد مثقف بعد خبل آل الدلم وبعد فضايح بغداد عاصمة الثقافة في عهد الأترشة إللي حوّل تلك المناسبة إلى بغداد عاصمة السخافة. وهسة وزير الثقافة عساس تكنوقراط يلبس قاط ورباط ويعرف الفرق بين الفسوة والضراط، خبير بالآثار… كلش خوش خردة فروش … اقرأ المزيد

تنبؤات العربنجي

راح تكون لكل عراقي حصة موبايلية شهرية ، أبو البيت يروح لأقرب وكيل البطاقة الموبايلية ويستلم موبالات آيفون-هاواوي- سامسونج لكل واحد بالعائلة، وطبعاً إختلاف الماركات بحسب إختلاف المكونات وإختلاف الكتل السياسية، مو هيوانطة. وأول ما يستلم الحصة الموبايلية لازم ينزل التطبيق ( الدستور لكل عراقي)، ولأن إحنا دولة ديناميكية – لعد شعبالك – فالدستور يتغير … اقرأ المزيد

أندية شيوخ العشاير

هذا وكت هدايا بابا نويل، وكل واحد هو وحظه شي يطلع له من گونية بابا نويل ومروته، أكو تطلع له طوبة حمرة يحير شيسوي بيها وليش لازم حمرة خاصة إذا هو ضد الرفاق الماركسيين، بس كلشي حظ ونصيب، وأكو رياجيل تطلع لهم حفاظات ألوايز يحيرون وين يحطوها، وأكو نسوان يطلع إلهن معجون حلاقة أو جهاز … اقرأ المزيد

علقة البلد

تمهيد : أكو فرق بين كلمة ( العلاليگ) اللي ينتمي إليها ولد الحصة التموينية وولد الخايبة، وكلمة ( العلاليق) إللي تنتمي إليها ولد الحصة السياسية وولد الديمقراطية. …… الشعب كله راح يبيع علاليگ بالشوارع من ورا شلة العلاليق والعلوق إللي مچلبين بخوانيگ البلد من ٢٠٠٣، والحظ الخرة أن العلاليق ما مخلين شغلة إلا داخلين بيها … اقرأ المزيد

مكونات الطبخة

صارلنا خمسطعش سنة حسوماً وإحنا نتزقنب الطبخة إللي حدد مقادير مكوناتها الشيف پريمر. بالأول وي أول خاشوگة شفناها طبخة طيبة لأن چنا تونا طالعين من حصار عصرنا عصر لدرجة چنا نخاف نروح نخري حتى ما نجوع، وبعد هذا الحصار چنا بنيسان ٢٠٠٣ مستعدين لو ينطونا كوكتيل كل سموم الدنيا نشربه وناكله ونبوس إيد إللي حضّر … اقرأ المزيد

موجة لو خياسة

هسة أكثر رياضة شعبية منتشرة بالعراق هي رياضة ركوب الأمواج، عبالك الكل جايين من درابين أوكلاند بنيوزلندا لو سيدني بأستراليا لو كبرانين على شواطىء ريو دي جانيرو أو گاضين كل عمرهم في هاواي. أشو الكل صايرين أبطال في ركوب الموجة وضرب الدقلات عالموجة ، أدري وين تعلمتوها ومن وين هاي المواهب والعضلات وأنتو واحدكم كرشه … اقرأ المزيد

چذب فولتية عالية

يابة بس بلا عفاط ولا زيج بغدادي ولا طيط، ترى وزارة الكهرباء من صدگ طبقتْ وعد الشهرساتني بتسويق وتصدير الكهرباء، ووفرتْ كهرباء كلش هواية للتصدير بهمة الغيارى من مهندسي وزارة الكهرباء ، بس المشكلة إن ما حد فكّر شلون يصدروها، بشنو يخلوها ويعبوها للتصدير. الجماعة ما قصروا وداعة الفيوز والفولتية، ووصلوا بإنتاج الكهرباء لمستويات قياسية، … اقرأ المزيد

فن الريحة

أكو شي چبير جاي ينطبخ ويستوي بالعالم، وإللي عنده خوش حاسة شم حاله حال الچلب گدر يشتم ريحة الطبخة ولحگ على نفسه حتى يحصّل شي من هاي الطبخة وحتى يد الطباخ ما تطول عليه وتثرمه بالجدر، وإللي ما عنده حاسة شم ذاك هو ما يدري شنو السالفة ومضيع صول چعاب خالته والمشكلة أن خالته چانت … اقرأ المزيد

أكو أي خبر ؟

الحياة للي يعمّر ويريد باچر أحلى من اليوم، الحياة للي عنده خطة ومشروع بناء مو مشروع هدم وخربطة وفوضى حتى شنو والله منتظرين الغايب إللي أشترط علينا ما يرجع إذا ما ندمر الأرض وننشر الفساد حتى هو يجي ويصير بطل التحرير القومي والديني والإنساني وينشر العدل.. علمود شنو؟ علمود تقوم القيامة ! من كل عقلكم … اقرأ المزيد

تغريدة الغراب

ببغداد فاتحين معهد عجيب بس حلوة الفكرة، هو معهد تعليم الغراب شلون يغرّد، تدرون مللينا من البلابل ود شتوفون وتسمعون شكاوى محلات سوق الغزل من كساد تجارة البلابل، أصلاً كل بلبل صاير بالقفص گد الدجاجة والبطة ومحد يشتريه، وهاي چانت بداية فكرة هذا المعهد، تقديم شي جديد وما موجود بسوق الحيوانات، وكلكم تعرفون قصة الغراب … اقرأ المزيد