أبو حمزة الواوي

إلحاقاً بكل ما مضى، آني عندي چعب البريج بغرفة الخراء بالحمّام الشرقي، أو ورق التواليت إللي نمسح بيه مكان الخراء بالتواليت الغربي إنظف من كل الچهرات القذرة إللي لاطشين بالشاشة والشارع من ٢٠٠٣ ولأجل مفتوح، وما عندي أي إنتريستينگ بالڤوتينگ والقوائم الإلتهابية الإلتهامية الإنتقامية الإنتهازية الإنتقاصية الإنتصابية الإنتخابية، بس مال يكون أبو حمزة الواوي هو إللي يعدّل الميلة ترى هاي ما تنبلع ولا نگدر نسكت عنها. أدري ولك يا مصخم يا زين منو قشمرك وگال لك تعال غني عن قائد الضروطة الخصوة والفسوة أبو حمزة الواوي وتعليه فوگ السماوات العُلى عبالك فارس الفضاء إللي راح ينقذ المجرة من غزو قادم من الكون الموازي ؟ ولك هذا أبو حمزة الواوي إذا تنطيه خمسة ألاف دينار وتگول له روح جيب شوندر راح يجيب فجل، ما يدري الفرق بين الكرفس والمعدنوس، كلها ما يدري وداعتك، لعد شلون راح يعدّل الميلة ؟ وهي الميلة منو سببها مو هو والكذاب المقبور أبو شهاب إللي راح بلفة تكة بنادي الصيد ؟ مو لو مو مو ؟ هو منو راح جاب شكو زبالة بالدنيا وخلاها بچفة حتى تصير الميلة بالچفة الثانية؟ مو أبو حمزة الواوي إللي فجر سينما سميراميس وعنده لينك بأربعطعش مخابرات قبل ٢٠٠٣ ؟ طاح حظ الميل واللوغاريتم والتفاضل والتكامل إذا أبو حمزة راح يعدّل الميلة، بس جيب التمام بالملعب.
هسة صح الكل دايخين ومحد يعرف شكو وشنو الموضوع، بس ترى من تصير الشغلة واحد نص ستاو في مقاييس اليدري هو المنقذ إللي توقد له شموع نذور الأمهات بصواني زكريا وخضر إلياس ترى هاي نصبة وإحتيال وفوگاها تفلة بوجه المشاهد وزربة بالخرابة إللي إسمها الوطن، بس الصوچ مو كله منك، الصوچ بدا من صار واحد أثول ( مبدل الواو بالتزوير إلى ياء) كان مو حافظ الموصل هو بطل المدينة ولا چنه زورو بطل المكسيك، ويطلع لك واحد بلغم الشوارع أنظف منه ويسويله چم چلمة عساس شعر، من ذيچ اللحظة الحاسمة في تاريخ الكذب والعلامة الفارقة بين الأكو والماكو صار مباح لأي واحد خنيث عنده چم فلس يصير رجال وفارس الأمة وإللي ما يعجبه خلي يدير القناة على قناة يشوف بيها إللي بأگ ٨٠٠ مليار دولار هو إللي يحارب الفساد وگلبه على كل دينار بالدولة! لو أم نظرية ٧ في ٧ هي الشريفة الفاضلة.
وهسة سالفة المدولب لا يدولب والمقشمر لا يتقشمر لأن هو قشمر بعد شكو، وأبو حمزة الواوي إللي حتى ما يدري عنده منصب بالدولة لو لا رغم أن هو يستلم الملايين ( دولارات مو دنانير ) حالف إلا يدمرنا، وهاي الشغلة الوحيدة يدري بيها ، ويعرف كل أساليب تدميرنا وحتى عن طريق بنته الدلوعة إللي راح تستلم راية الماأدرية من البابا إللي ما يدري بس من يتأخر تحويل الراتب للبنك بلندن يشيل التلفون ويسأل وين الراتب. إي لعد هذا الراتب من شنو؟ هسة لو حليو نگول د يطگطگ بالموجود ويجيب فلوس، أشو لا خلقة ولا دماغ، ولكم هذا نص ساعة تكلم وي المذيعة ويگوللها أخي العزيز، صدگ طلع الرجال ما يدري النثية من الفحل وتريدون هسة يعدّل الميلة! أنصحكم تستخدمون ميزان ديجيتال مو ميزان بچفتين حتى لا تحتاجون أبو حمزة الواوي، لأن راح يدمركم مثل ما گال، وهاي الشغلة الوحيدة إللي يصدگ بيها.
يابة…. إحنا صح غشمة وگلبنا طيب ونصدگ كل شي من أيام باربا الشاطر إللي يصير كل شي وحتى يطير مثل الفيل ، بس مال الوطن يتعدل بأبي حمزة الواوي، ترى صدگ ولية مخانيث وطاح حظ هيچي خرابة إللي تسموها وطن.