حبيب العربنجي

إحنا غاسلين إيدينا ورجلينا من هذي الأرض إللي يگول عنها دايسكي ” كوكب صغير فيها حياة وفيها هناء والخير الكثير” ، لأن الخير الكثير من حصة بس الذين رضي الله عنهم وأرضاهم بالسرقة والفساد، وإحنا خارج هذا القوس ولا ننتمي حتى بالإستعاضة. مللينا وآيسنا من الأرض إلى درجة راح ننطلق مثل گريندايزر إلى الكون بلكن … اقرأ المزيد

تمنينا الوطن سوپر ماركت كلش چبير، ميگا ستور ، ندخل بيه وجيوبنا مليانة، نشتري براحتنا أي شي نريد ويعجبنا، والنواب هم إللي يشتغلون عمال بهذا السوپر ماركت الچبير، يشيلون الغراض إللي نشتريها ويخلوها بالعربانة، ويدلونا على مكان الشغلات إللي نريد نشتريها وي كلمة تفضل آغاتي وتدلل، وينطونا رأيهم يا ماركة ويا إنتاج أحسن حتى نشتري الشي … اقرأ المزيد

حين بدأتُ الكتابة بهذا الأسم الذي يسبق مقالاتي، وكانت أولى المقالات في نهاية شهر مايس   2009، حينذاك، لم يكن التوجه قطعاً إلى أن تكون مقالات العربنجي طائفية بأي مدلول قد يراه القارىء ، بل كان الهدف هو إظهار الطائفية بكل قبحها ونارها وسمومها للقارىء، وجمع قراء مثقفين حول تلك المقالات للمناقشة في أفكار تجعل … اقرأ المزيد

مستمرون أي نعم مستمرون بالخيبة والفشلدول بحجم شارع الرشيد وعدد سكانها بگد زقاق في مدينة الثورة ، صارت دول تعرف معنى الشباب وتعرف شلون تهتم بالشباب وتبني، وأنتو من نص قرن ونيف (هاي چلمة جديدة طاگة هالأيام على لسان كل مسؤول، كل جملتين وحط وياها نيف) أي من نص قرن وياه هاي الچلمة ما گدرتوا … اقرأ المزيد

إني المواطن حبيب العربنجي جئتكم بعريضتي هذه راجياً منكم معرفة ما نحن فيه من لعبان نفس، لذلك، أعتذر إذا تقرون هذه العريضة وأنتو توكم متزقنبين بالعافية، فحالتنا يا ولد الزواع، قطرة منها تعتبر سلاح بايولوجي من كثر ما بيها فساد وأمراض بدنية ومعنوية وإجتماعية وحتى فيزياوية .فنحن نعيش في مجتمع مهتوك هتك، ماكو فرق بين … اقرأ المزيد

يمعودين على كيفكم، أكو هواية أمور مقززة أكثر من شوفة صرصر يگمز إلى ماعون شوربة عدس، شبيكم گالبين الدنيا إللي هي أساساً مگلوبة على روسنا، شنو عمركم ما شايفين صراصر! سويتوها بلا ملح عبالكم كلكم گاضين أمسياتكم الصيفية تحضرون حفلات الموسيقى بفيينا، ولكم إحنا كلنا متربايين وي الصراصر، وخيرنا چان يلعب وي الخنفسانة لأن تقاوم … اقرأ المزيد

المشكلة التكوينية والتفكيكية إللي بينا هي إن إحنا ما نعرف نطبخ زين ولا نسوي كعك أو كيك زين، بس نعرف ناكل زين وعدنا شهية مفتوحة ناكل أي شي وكل شي ومن أي مكان. أصلاً إحنا الپاچة وتشريب البامية وباگلا نعتبرها مقبلات للوجبة الرئيسية من ناكل أوادم، وناكل وطن مسگوف في جلسة تصالح وطنية إي وداعتكم … اقرأ المزيد

هي هاي إللي يسموها الفوضى الخلاقة، هوسة مالها والي، علمود شنو، علمود يخلقون شي حتى هم ما يعرفون شنو هو، هي تجارب ما مجربيها قبل، وهاي التجارب حتى ظروفها ما مدبريها، المهم تجربة مال فوضى خلاقة وأكو نتيجة، شي ما يصير مو مهم، وهاي إللي دا تصير، يجيلك واحد نافخ نفسه بگونية فاصوليا، منفوخ ذيچ … اقرأ المزيد

وهاي الشغلة ما أعرف الأداة ما أعرف آلة كلش ضرورية لإدامة زخم عملية المشي، ولو ما ماكو تشوف الواحد بينا يمشي ويطوطح عبالك گايم السنتر لأن رجليه تتزحلگ بالقندرة بسبب العرگ والجو اللطيف بين الرجل والقندرة وخاصة إذا الجواريب نايلون نوعية فاخرة.وطبيعة عمل الدبنستري هي وجود عازل بين الرجل والقندرة، يعني مثل الواشر، لأن ما … اقرأ المزيد

هسة وكتها، الشغلة بحرارتها، ولو ما نعرف شنو مصدر هاي الحرارة، چولة لو صخونة، المهم، أريد أدلو بدلوي ( گولها عشر مرات بسرعة وإحصل على وزارة مجاناً) في التشكيلة الوزارية التكنوقراطية ، راسي براس وي السيد القائد، وللعلم، آني السيد العربنجي حفظني الله من المارد في القمقم، أعلنت إصلاحات وزارية گبل بوخة السيد القائد بثلاث … اقرأ المزيد

أگدر تماماً أن أخبركم آخر نصف قرن من عمري من چم چلمة، كل چلمة تختصر سنوات، شهور من ذاك نصف القرن.البداية چانت الشركات الإحتكارية هاي قبل التأميم، ثم مرحلة الملا مصطفى، والحكم الذاتي، ثم مرحلة العمل الشعبي ، فمرحلة الرفاق وأول ظهور للهوية الرفاقية في طريقة الملابس وهي ما چنا نسميها ( القطعتين بنطرون عدل، … اقرأ المزيد

الفنادق أساس السياحة…ودليل بناء البنية التحتية في أي بلد…وهسة السياحة هي مؤشر قوي لأي بلد عن حالته الأمنية والإقتصادية وشلون هي جاذبة للإستثمارات لو طاردة للناس وتهجول الناس.مدير الفندق الناجح يهمه تصنيف الفندق مالته، ونظافته، والمنافسة وي باقي الفنادق، وشلون ينجح في سوق السياحة والفنادق، من هذا تشوف المدير الناجح يجيب أحسن شيف (طباخ) وأجمل … اقرأ المزيد

بسبب الأزمة المالية والحالة العاوية، ما عدنا فلسين حتى نشتري حكومة متنقرطة جاهزة وياها الكتالوگ وخبير يجي يعلمنا شلون تشتغل الحكومة…ما عدنا هيچ إمكانية مالية هسة، فلازم ندبر حالنا بالمهارات البيتية الموجودة عدنا، وترى شغلة طبخ حكومة ما تحتاج شي، بس أشوية جرأة واحد يدخل المطبخ السياسي، ويا معين.بالأول جيب لك رؤوس الكتل الحزبية ، … اقرأ المزيد

كان يا ما كان… كانت هناك بلاد من البلدان…يمر فيها نهران، نهر الدم ونهر الغم، من شرب من نهر الدم مات بالدم ومن شرب من نهر الغم مات من الغم، ومن شرب من النهرين فقد قتل. يقولون أنها كانت أرض السواد لسواد بخت ناسها، وقيل لكثرة لافتات النعي فيها، وقيل لسواد قلوب حكامها ومثرة عمائمها، … اقرأ المزيد

إحنا مو مثل باقي خلگ الله إللي عدهم منطقة حساسة وحدة لو منطقتين، إحنا نمشي ونتعثر بمنطقة حساسة، أخبارنا مليانة مناطق حساسة، شوارعنا مناطق حساسة، جرايدنا كلها مناطق حساسة إلى درجة من نبلل صوابعنا حتى نفتح الصفحات وإحنا نقرا الجريدة تصير عدنا أمور فستوقية وحالة إنتصاب قنبر. طول اليوم، كل ساعة نسمع ونردد منطقة حساسة، … اقرأ المزيد

راح أبدأ بطيحان الحظ، أبو شفايف المنفوخة (إي أبو مو أم) رئيس مجلس المصايب والنوائب والمبرطم أبو البرطمان العراقي أبو قلب غير السليم المجبوري، و إلمجبور على تنفيذ أوامر تصدر له من خارج الديار العراقية الخربانة، هذا المجبوري ما عنده هم ولا غم ولا يحرگ گلبه شي بالعراق المسموط سمط رغم البرد والشتا غير تأسيس … اقرأ المزيد

راح يعتمد قاموس أكسفورد صفة جديدة ، لأن بحسب سياسة هذه القواميس والمعاجم العالمية ، تنضاف كلمات جديدة بنهاية كل سنة، لتحديث اللغة ، مثل قبل سنوات أضافوا كلمة تويتر، وقبله إيميل. والصفة الجديدة إللي راح تنضاف لهاي القواميس هي صفة : العراق. يعني، منا وغادي، واحدنا ما يگول أموراته حيل تعبانة، راح يختصر هاي … اقرأ المزيد

بلغني أيها الشعب المخدوع، إللي گاضي حياتك كلها دموع، أن صفقة الطائرات المقاتلة، ألتي تعرف مخابىء العدو وين خاتلة، إف سطعش الأمريكية، والتي إستمرت قصتها أطول من المسلسلات المكسيكية، هي صفقة فاسدة فساد البيض في الصيف، رغم أن العراق دفع المليارات يا حيف، لشراء أربع وثلاثين منها، للدفاع مثل ما گالوا عن جمهورية العراق وأمنها، … اقرأ المزيد