السياسة
هي أن تبني للوطن ساسه
موش تچفص وتغرگ بالخياسة
ولا مال ينشف النهرين
ونتحسر عالماي بالطاسة
السياسة
تعني تخلي الوطن فرحان
والمزة جاجيك والفستق بكاسة
واحدنا يعرف شنو الباچر
موش دايخ بأخماسه وأسداسه
السياسة
معرفة ذوق كل واحد
وموديل لبسه وشنهو قياسه
والناس فرحة والگلب نشوان
ماكو حقد ولا شي من أنجاسه
السياسة
هي النوم رغد بعز الصيف
لا كابوس كهربا ونلعن وسواسه
والدنيا ألوان ورد وريحان
ونطش ويهلية ونرگص بياسة
السياسة
هي أن تحمي الوطن
قبل ما يوگع الفاس براسه
تاليها ما ينفع أي ندم
ولا مال آسف وتطيب أحساسه
………………
لا داعي للتصفيق وماكو إعادة
