عبعوب اسمك فعل …
و مبتدي بحرف العين .
ما بيه همزة وصل …
و ما بيه سين و شين.
عينين اوواوه متصل…
محلّاتّه هاذي البائين .
—————-
من امريكا جونه بالعَجَل…
دَزّ اِلنّه اوباما ماكين.
كلّه العراق بيه لو عتوي لو عِجِل…
و براسه شارب ,لو اطول كرنين.
لواشنطن جيبه, يحسّن النسل…
هاشات عِدنّه و بزازين .
و بعد ما يخلّص هذا البَطَل…
حضّرلّه لوطِيّه معدلين.
————
ما عِدنه غيرك فحل …
يا معذِب بنات الصوبين.
زيونة , شعلة و فضل …
تلطم على الخدين .
ايران تلّ و سهل…
باريس , لندن , برلين .
يردون واحد بغل …
ما يلعب على الحبلين .
ما ينربط بالحبل …
ويّاهُم يكعد اِسنين.
————–
يخبطوك ويَه البصل…
و اِدَّمِّع العينين.
ما ندري وين الخلل…
باللحم لو العجين.
تكّه و كباب و فجل…
متروسه بيها مواعين.
حيّرنَه , ريوك الاكل؟
مدوخ بنات الصين .
لو عشه بيه شويّة عسل…
و كيمر فوكاه مربّه تين .
————–
بطهران عزلو كل محل…
جاهُم المّا منه اثنين.
اِعيونه حلوه بلا كحل…
و اِزلوفَه صّافّه صَفَّين .
بالسوك يتمشَّه , ابو شعر البسل…
و بصدره هوايه اِنياشين.
خالي من كل كِشرَه و كَملل…
النسوان كللبتها حطين .
تتمالخ اِعليه بلايا خجل…
ركَّي و شرط السِجِين.
و لو ما الجو بيه شويّة رمل…
جان اِتكافشت نسوان الفوك السبعين.
—————-
بغداد تلمع و الفضل …
لعبعوب حلو الحلوين.
يشتغل بلايا ملل…
ونوم ما يشبع, مسكين.
زمال و مو فوكاه رحلل…
و الحِمِل صار بحملين.
اياببببباه, اِشعِلوه هالجبل …
الصكر ما يصعد اِله ,و ما يحط اِعليه شاهين.
اِشواربه مفتولة فتل…
وحده يعادل عشرين .
عفية عليك نوري الصخل…
جايبِنّه هذا من وين ؟؟؟
جايبنه هذا من وين.
