كون احصلي وزاره ..
أي وزاره
المهم اسمي وزير
واحكم بكيفي الوزاره !!
ماعليه شلون اجيت ؟
شلون احكم؟
ومو مهم جتني بجداره !
المهم ارفع رصيدي
واشتري املاك وعماره
يا عماره ؟
اشتري ولاية بكبرها
وافتح اسواق وتجاره
اي وزاره..
خوب مو شغلة نجاره ؟
فلوس بيها..
شغل بيها..
وبيها حلوات وكباره !
راح اعدّل روحي كلش
فرصه..
والدنيه شطاره
راح اعيّن ربعي كلهم
وكل عشيرتنه الغياره !
الغربه ماتنفع حبيبي..
تكشف اوراقك خساره
يجوز ماحصّل وزاره ؟
عمي مقبوله الوكالة
والمدير العام لو صحّت أماره !
كون ماصحّن هذني
أرضه فرّاش بسفاره !!
