دعوة عامة موجهة لجميع الحرامية الزغار في العالم علمود يجون للعراق ويتعلمون من حكومتنا البوق والنهب على اصوله وبحرفية عالية وبدون ترك اي دليل ادانة وفي حالة وجود دليل كيفية التملص من العقوبات واثناء الدورة ما اوصيكم تتعلمون شوية شكو ماكو وجا بوية ولا بقى زي ولعد وسرجاو وصاغول علمود كلمن يلزم صفحة من البلد …. للاشتراك بالدورة يرجى الاتصال بالبرلمان العراقي ورئاسة الوزراء …. للمزيد من المعلومات الاتصال بالحرامية العتاة الوزراء …. كل المطلوب منك تقديم اوراق مزورة تثبت انك دكتوراه في اي شي حتى لو في علم الباسطرمة النووية او زراعة البقدونس على سطح القمر ويفضل من اكمل الدكتوراه بدون تحصيل شهادة البكلوريوس …. والشعب العراقي بدوره سيكون ممتنا لانتخاب الفائزين منكم لدورات انتخابية قادمة في حالة تشيعكم او تسننكم او اختيار اي قومية بكيفكم بس الشغل القوي هسه على هذني … ولكم منا كل العرفان والتقدير في نهب المزيد من الثروات المتبقية مثل الكبريت والفوسفات والسليكون واليورانيوم وبقية الثروات المعطلة مثل الزراعة والثروة الحيوانية وغيرها … ونجاحكم اكيد طالما الشعب ممتن للحرامية وراح يرجع يعيد انتخابكم خصوصا اذا كنتوا قتلة وحرامية لان يكيفون على سالفة الدفاع عن المذهب والدفاع المضاد او الدفاع عن القضايا القومية هم يمشي الموضوع يعني شغلكم راح يمشي يمنا مية بالمية وسوق كلاواتكم راح يلعلع ..اللهم هل جم فهيم عود لو تسكتوهم للابد لو اربعة ارهاب لو كواتم بيد زعاطيط يعني عود ما نوصيكم على الحلول وممكن تسألون اي مواطن مقهور وخايف على اهله ونفسه وراح يذكرلكم كومة احداث حصلت وممكن تستخدموها نفسها لان الشعب مقتنع بانه هذه كلها طائفية يعني تقتل سني بيدك اكيد القاتل شيعي وتقتل شيعي بيدك اكيد القاتل سني ولا راح يجي ابال الشعب انه ممكن تكون الحكومة دا تصفي الشعب وتسوي فتن علمود تبقى بالحكم وتبوق وتنهب لان اذا بس يستقر الوضع شوية بالبلد راح تطلع اكبر مظاهرة نعالات وقنادر بالتاريخ على روسكم وروس اللي جابوكم وتلعن سلفى سلفاكم بس يا حيف على الشعب نازلين ذبح وقتل وتخويف واعتقال بيه … يا حكومتنا لعنة الشعب راح تلاحقكم وتأثر منكم في يوم من الايام … انتظروها يا ملاعين!
