إحنا چانت عدنا إعتصامات وچوادر مال المتظاهرين، وهاي الإعتصامات چانت السبب المباشر في أهتمام الناس بلعبة شد الحبل بين الشوشو والسوسو. يوم هذولة ماكلين زين ويشدون الحبل يمهم ويوم ذولاك ضاربين تشريب زين ويشدون الحبل عدهم، وهاي الإعتصامات فلگحت وفتحت رجليها فجوّي أقذر الناس ودخلوا بخيم وچوادر المعتصمين فتناسلت وتناكحت الإعتصامات وبكل خيمة إعتصام إجانا مولود عبالك وحش تسمانيا إللي نشوفه بإفلام كارتون، ياكل كل شي، عدواني بدون سبب، فالت، وهذا حال داعوش ومدعوش وكل دعوشي قذر صغير كان دُعَيشاً أم شاباً فدَعدوشي أو كهلاً فدعـّاش ورعّاش، وهاي الإعتصامات جابت إلنا الوسخ شاكر وهيب حار وطيّب وطلعت إلنا لأول مرة خطيب جامع لابس عمامة وملابس قوات خاصة، مو هي الصلاة همين تعتبر من المهمات الخاصة خاصة إذا وراها دعاء : رب أرزقني حورية لم يطأ فرجها أنس ولا جان، بل صنعت خصيصاً لقضيب داعشي.
ولأن هذه النار جمرة في منقلة متروكة بالچول وأكو مجنون بيده مهفة دا يهفي بهاي الجمرة، إللي صار بالبلد الشقيق أوكرانيا المسلمة (راح تعرفون سبب لواگتي أشوية صبر).
وهمين صارت إعتصامات وإحتجاجات، يعني نتوقع إعلان دولة داكور وهي( الدولة الإسلامية في أوكرانيا وروسيا)، وأتوقع تطلع إلنا وحدة تسمي نفسها أم عمارة أو خولة بنت الأزور وتعلن قيام داكور، لأن هذولة لازم يجيبون هيچ أسماء مثل شرحبيل وشرشبيل وأبو قتادة وأبن جندب وأبو بريص النجدي وأبن آوى السنغافوري، بس لأن المجاهدات العربيات مشغولات بجهاد النكاح فهن لحد هسة ما عدهن خلگ ولا وكت لقيادة دولة إسلامية في بلاد عربية، بس أكو فرصة  في أوكرانيا المسلمة ( ها يابة عرفت سبب اللواگة) خاصة أن النساء في أوكرانيا ما عدهن نصيب في جهاد النكاح لأن هنّ سلاحسز  ورأساً يهيجن البواسير من كثر ما واحد يحرگ بروحه وتعرفون واحد من يحرگ روحه ماكو مكان يطلع دخان الحرگ إلا من الصالنصة، وهذا هو سبب تهيج البواسير من ورا الأوكرانيات غضب الله على عباده.
وطبعا خولة بنت الأزور الأوكرانية راح تطلب الدعم اللوجستي من الشيشان وداغستان نكاية بروسيا، وراح تصير دولة داكور هي منطلق الجهاد لتحرير القطب الشمالي من الإحتلال البطريقي الكافر وراح يزحفون إلى باريس لرفع راية الجهاد فوق برج الجنة (قديماً كان اسمه برج إيفل) ولأن إيفل يعني الشيطان فلازم تغيير الاسم وما راح يهدمون البرج حتى واحدهم يصعد على برج الجنة ويصير خطوتين بعد عن حورية گاعدة تشيل شعر رجليها في إنتظار حبيبها الداكوري.
ولأن الجهاد في أوكرانيا فرض عين على كل قضيب خاصة بعد أن أقتنع المقاتلون الأسلاميون أن نكاح الدنيا خير من إنتظار سرة على حورية (يقال أن السرة بعده ما واصل لشهداء معركة اليرموك) ولأن من باب الثواب إدخال البهجة في نفوس المؤمنة المستوية ، فراح يروحون هذولة يلمون نقاط ثواب الآخرة فوق إكس واي زد الاوكرانيات ، ويا فالق الإصباح أفلق لي رجليها ، ويا الله !
وبكيفكم بعد، تريدون داكور فهذا باب من أبواب الجنة، لو تريدون داعش وهذا باب من أبواب الجحيم، وما بين الجنة والجحيم، شيء أسمه الجمال، تشوفه بچهرة شاكر وهيب النوراني عبالك گلوب هالوجيني، وتتمنى لو تشوف مثل هذا النور الكهربائي بوجه فتاة اوكرانية داكورية ، بس رب العالمين ينطي النعم قطرة قطرة، خو ما تريدون فتاة أوكرانية مجاهدة داكورية وفوگاها تشبه شاكر وهيب؟ شنو رب العالمين ما عنده شي بس گاعد يلبي طلباتكم !  ترى طوختوها…العافية درجات، هسة أخذوها والله كريم وأدعوا رب العالمين بلكن ينفخ بصورتها وتصير تشبه شاكر وهيّب ..بس بشرط لحية شگرة .
……
عاجل عاجل عاجل….رب العالمين نفخ بصورة المجاهدات الأوكرانيات الداكوريات…وهنّ يبايعن خولانيكا أزورشنكو (بالعربي خولة بنت الأزور) أميرة لولاية كييف…وانتظروا البيان رقم واحد. من طاح حظك يا هُبَل !
[email protected]