خاص: إعداد- سماح عادل
رغم العنف الذي تواجهه الثورة العراقية، وتعنت السلطة، والمجازر المتلاحقة إلا أن العراقيون يتمتعون بالفرحة والأمل بسبب الثورة التي مازالت مستمرة وباقية رغم المحن، انتشر منذ يومين على وسائل التواصل الاجتماعي (تويتر- فيسبوك) هاشتاج يعبر عن ذلك الأمل يدعى #باجر_من_تنتصر_الثورة.
غرد عليه العراقيون أحلامهم وآمالهم ورسموا ملامح وطنهم الجديد بعد انتصار الثورة.
تقول مطالبة بعلاج مجاني للجميع “نورس الجبري”: “#باجر_من_تنتصر_الثورة كل العلاجات تكون متوفرة بالمستشفيات وما يضطر الفقير يتداين حتى يشتري العلاج من برة”.
ويقول “ابونا عامر”: “من جديد تجعلونا فخورين بكم يا شباب العراق، رفعة راس و #باجر_من_تنتصر_الثورة راح يبقى راسنا مرفوع بيكم وبما أنجزتموه ليكون طريقاً لكل الأحرار في العالم”.
ويقول “عراقي وافتخر” داعيا إلى تطوير قطاعات هامة بالدولة: “#باجر_من_تنتصر_الثورة لازم نركز على تطوير (القطاع الصحي- القطاع التربوي- العدل بين الناس- القطاع الخدمي) لأن إذا توفرت وتطورت هذه الأشياء عشنا بسلام وأمان”.
ويقول “وائل سلطان” مشيرا إلى أهمية القوانين التي تنظم حرية الإنسان: “#باجر_من_تنتصر_الثورة تصير القدسية الوحيدة هي قدسية الإنسان، وما يُجرّم إنسان إذا أعلن عن حريته.. وماكو قوانين مقدّسة تحرم الإنسان من هذه الحرية”.
ويرفض “علي حميد” تقديس العمامة في وطنه الجديد يقول: “#باجر_من_تنتصر_الثورة بعد قلع الخطوط الحمر وتاج الراس ماكو ابو عمامة يمثلني ولا مرجع العراق وبس فوق الكل”.
وتقول “براء هادي” : “#باجر_من_تنتصر_الثورة انشجع الضعيف لحد ما يصير قوي، والفاشل لحد ما ينجح، والجاهل لحد ما يتعلم، ونتعلم من المتعلم”.
وتقترح “دعاء البصري” تخليد ذكرى الشهداء تقول: “باجر من تنتصر الثورة كل يوم جمعة أعطي علم عراقي وصورة شهيد لأحد أطفال منطقتي، حتى نزرع حب الثورة والشهيد بنفوس أطفالنا.. ويعرف العالم انتصار ثورتنا هو بدمائهم #لن_ننسى_الشهيد”.
ويقترح “نبيل نعمة” حلولا لوأد الطائفية يقول: “#باجر_من_تنتصر_الثورة نبني كنيسة في كربلاء، وحسينية في الأنبار، وجامع للسنة في النجف”.
ويقول “علي العبساوي” مشيرا إلى الفساد: “#باجر_من_تنتصر_الثورة نخلص من إشعال الفتن للي يقوم به ما يسمى السياسيين، نتخلص من النهب والسرقة والاستهتار بإدارة الدولة، نتخلص من المشاريع الوهمية، نخلص من شي اسمه الوقف الشيعي والوقف السني، نخلص من شي اسمه مجالس المحافظات”.
وتقول “سارة” متخيلة توفير حياة كريمة للناس: “راح يتفعل القطاع الخاص ويصير بي ضمان اجتماعي، وتنفتح المعامل الانتاجية وتقل البطالة، ويتأسس تعليم جديد يبدي من الأطفال، القانون يمشي ع الجميع. الخ #باجر_من_تنتصر_الثورة”.
ويحلم “موج” بانتهاء الرشوة: “لتوكف مراجع بالدوائر الحكومية ولتاخذ رشوه خلي راتبك حلال وماكو أطيب من خبز حلال وسهل أمر العالم ماكو أحلى من دعوة رحم الله والديك”.
ويؤكد “محمد معن ” على معاقبة المفسدين والمتورطين في العنف يقول: “الضباط الدمج يدخلون سجن إلا أن يرجعون الرواتب إلي أخذوها من الدولة للدولة، وبعدين من يطلعون نرجعهم لإيران، ناخذ أسماء المنتسبين بالشغب واگمز دينهم ويتحاكمون، الجيش مكانه الحدود والقواعد العسكرية والشرطة مهمتها حماية المدن، وكل منتسب لازم يكون عراقي الولاء فقط #باجر_من_تنتصر_الثورة”.
ويتفق معه “عمر حسين” يقول: “#باجر_من_تنتصر_الثورة راح يتحاكم المجرمين، وراح تتساوى الفرص وراح نعيش بتكافل اجتماعي”.
وتقول “نون” وتحلم باختفاء الهجرة: “الجيل الجاي ميفكر يطلع من العراق بس حتى يعيش وينال الحُريه #باجر_من_تنتصر_الثورة”.
ويقول “حيدري”: “#باجر_من_تنتصر_الثورة الأرض إلي المبني عليها قبر أصبع الحكيم ترجع للدولة”.
وعن السلاح وتقنين حمله يقول”احمد”: “باجر من تنتصر الثورة يجب حصر السلاح بيد الدولة ولا مليشيا فوق القانون #باجر_من_تنتصر_الثورة”.
ويقول “يوسف”: “احترم القانون ولا تسمح لأحد يخالف النظام #باجر_من_تنتصر_الثورة”
وترسم “جمانه” ملامح الجنة: “#باجر_من_تنتصر_الثورة راح ندرس بجد ونحقق أحلامنا بواهس لأن عدنا بلد لازم نلحگ نبني ونسوي جـَنّة بأسرع وقت، راح نفوت الاختصاص إلي نحبه لأن نكدر نتعين، راح نقدر الممثل والمطرب والسينمائي والشاعر والرسام والنحات وننطيهم حقهم، راح الأهل يبطلون يريدون الأ طبية”.
وتحلم الفتيات بالحرية من القهر المضاعف تقول “سماح عزيز” مؤنبه الرجل الكسول: “#باجر_من_تنتصر_الثورة علم نفسك تشيل صحنك وتغسله وتخدم نفسك بنفسك بالبيت لأن إذا أنت عالة على أهلك ينظفون وراك ويحطون كل شي كدامك شلون تريد تصير فرد منتج بالمجتمع؟”.
وتقول “مروه”: “#باجر_من_تنتصر_الثورة راح تحصل كل النساء على
حقوقها ونحارب كل أنواع التخلف”.
وتقول “فاطيما” عن انتصار الثورة فكريا: “شعبنا العظيم أثبت للعالم وحدته، أثبتنا بشهرين ما حاول سياسيي القنص والعمالة تشويهه وتخريبه لسنين، ولا عزاء للذيول وجيوشهم الالكترونية القذرة التي وصلت إلى أسفل السفالة، ترعبهم ذكرى شهيد، من هنا نعرف الثورة انتصرت فكرياً #باجر_من_تنتصر_الثورة فعلياً، راح ننظف بلدنا من قذارتهم”.
وتقول “بان بنت ليلى” عن الانتخابات: “نبطل ننتخب واحد لان گرايب أو سيد من جماعتنا، لأن ينطينا عدس يقشمرنا بيه ويبقى مچلب ونسوي عليه ثورة ويظل يقتل بينا وتالي يستقيل ويتوقع هاي هي! #باجر_من_تنتصر_الثورة”.
ويتذكر أيضا “جعفر الخفاجي” الشهداء: “#باجر_من_تنتصر_الثورة رح أعاهد نفسي عهد أن ما أنسى الشهداء، ورح أقدم شيء شخصي الهم ولعوائلهم وفاءا لهم”..
وتقول روان عن تسيد المواطنة كمعيار للمساواة: “#باجر_من_تنتصر_الثورة راح تتغير نظرتنا للفقير إلي جنا نسمي الأماني وغيرها، راح نصير كلنا مواطنين درجة أولى، وصدك هالمرة راح نصير واحد يحب الثاني، باجر من تنتصر الثورة بنتي راح تعيش صح ❤”.
وتقول رونزا: “اصير مغرووورة ببلدي العراق واحجي الكل الناس من مختلف الجنسيااات شلون انتصرنا بدم الناس الشريفة إلي تريد وطن #باجر_من_تنتصر_الثورة”.
ويقول “سامر” عن حلم التحرر الفكري: “#باجر_من_تنتصر_الثورة نتحرر فكرياً من الجذور الطبقية والقومية والعادات المجتمعية الباليه وأفكارها المتوارثة”.
وتحدد “آيات” شروط أخرى للوطن الحلم: “نمنع سالفة المكان للعوائل فقط رحمة لله خلو الولد يفوتون الاي مكان عاجبهم. نحافظ على النظافة ومنشمر شي.البنات تنشر صورها ومتكتب عليها اسمها وحقوق لأن اكو قانون يحمي خصوصيتنا. نشيل صور شهدائنا من الشارع ونخليهم متحف خاص الهم♥ مع قصصهم #باجر_من_تنتصر_الثورة”.
انتشر هاشتاج #باجر_من_تنتصر_الثورة بسرعة كبيرة خاصة على “تويتر”، ويلاحظ أن معظم المغردين به من الشباب ذكورا وإناثا، ومن المدهش أن تكون أحلام هؤلاء الشباب بوطنهم أحلامها هامة تتصف بالعمق الفكري والفهم، فقد وضعوا أساسا متينة لأي مجتمع قوي يتصف بالمساواة ويكون المعيار فيه هو المواطنة، حلموا بإنصاف الفقير، وبتوفير حياة كريمة للجميع، وبإصلاح المجتمع من خلال إصلاح قطاعاته الهامة، ةاختفاء الفساد والشروة، وباختفاء تقديس العمامة والمعممون، واختفاء الطائفية إلى الأبد ليصبح العراق وطنا لكل أعراقه، كما لم ينسوا الشهداء وكدوا على الوفاء لهم سواء بتخليد ذكراهم لدى الأطفال أو بعمل متحف لهم، بنى هؤلاء الشباب العراق الجنة التي يحلمون بها
#باجر_من_تنتصر_الثورة
شراح تسوي بعد الثورة???????? pic.twitter.com/7qlY1hxDml— زهــراء (@Zahraa_31101) December 3, 2019
