شايفين ناهبات مجلس اللطم.. أعتقد أكو خطأ رباني من سواهن..هنه صحيح مسجلات بالهويه وبالنفوس نسوان.. بس أني عندي شك..وأعتقد أنتو هم عدكم شك..ولازم أيسون فحص يثبت أنهن وليس هم ..وأكو بيت شعر كلش حلو لصباح الهلالي..أيكول بيه..بقالبك خله عسل..وشويه ذبله تراب ..أي ليش يا ربي , ذبيت دبل طابوك ودبلين حصو ولوري زميج ورشيتهن بمي البصره ..أي لو كايل جان جبتلك درازين مي مقطر.. وصلت لنسوانه وخلص المي الحلو أي جان ما سويتهن  بهيجي جهر..  هاي هم محاصصه لو طائفيه ..أكول الجماعه منين أتعلمو المحاصصه ..هسه عرفت .. والله من تشوف وحدتهن دكول أخ عزيز ..والنوب عدهن شوارب ..وحواجبهن جهه صاعده والثانيه خط نازل ..جنها قطار البصره ..ويحتاجهن الواحد للعركه للمناحه تري فيز..ولهذا الاحزاب تختار مثل ناهده الدايني وحنونه الفتلاوي وعتاب الدوري وغيرهم من الاخوه الاعزاء..هسه لو ما عدجن فلوس , أنكول ميخالف , بس الوحده بيجن تلغف كرفه دولارات..أصرف ورقه وما طول هسه صاعد الدولار , وأصرف شويه على روحي ..أتنفه ,مو عيب أطلعن بالتلفزيون وصورجن أيشوفوها كل العالم.. أتقبلن أيكولون عليجن ..شوفو هاي أم الشوارب ..لو شوفو هاي أم السكسوكه ..وأبشرجن , بعد ما كو خيط  لو شيره ..لان وجدو أن السكر بيه ماده كيمياويه تسبب تلف الجلد ..وهسه كل الحفافات يستخدمن طريقه جديده لحف الوجه واليدين والرجلين وتحت الابطأ ووووشكو تنتظرون بعد هاي هيه ..وهسه مكاين مثل أبو العسل , يطلع شكرلمه أيموع بالحلك ..

وصدك من كال.. الناهبات للناهبين ..شوفو الناهبين وياكم.. شوفو شلون جهر وشكولات  جانو بنسخه 2003..واحدهم عبالك طالع ويه جماعه أهل الكهف , وريحتهم من هاي مال البخور العفنه..وكل شعره بأذنه دكول أريل أوبل ,وجواريبهم أذا مو مزروفه من أصبع الجبير , ريحتها تموت مطي ..وشوفوهم هسه الناهبين بنسخه 2013..بعد شيبي واحدهم صار أيحط  كاظم الساهر لو حاتم العراقي بجيب الوره ..أيشي القوط  الملونه  ومن محلات الماركه وأيشي الاربطه اللي تخبل والاحذيه كلها من أيطاليه وفرنسه من هاي اللي متسوي ريحه بالرجل لان بيها بخاخ..وحلاقتهم كلها سبشل وعالموده حتى المعمم ,صار ألا تفصال يلبس ولد القندره.. بس كل هاي المطي يبقى مطي  لو شدوله محرك سيمنس ..ذاك هو تشوفه من بين ألف حصان.. خايبات شبيجن تعلمن ..مو عدجن لابتوب , مو تسافرن لاوربا , بجوازات دبلوماسيه وجيبن ماكينات اللي تزيل الشعر ..أكو مال وجه وأبط وأكو مال هههههه ..ومكياج فرنسي طالع جديد أيدمر..وعطور تهبل..ألمن ضامات الهبر..أذا مو هسه أكشخ , لعد شوكت..

شفتن موزه مرت أمير قطر شلون جانت وشلون صارت..مع العلم راتبها أقل من راتبجن بهواي..بجاكوجين وتعديل عالبارد وصبغ فرن حراري,شوفوها جنها كمر طلعت..لعد حظجن أشبيه ..والمشكله الناهبات ميتمشن ولا أيسون رياضه ..من باب البيت ألحوض السيارات الوره ..ومن حوض السياره الوره لكرسي البرلمان ..لعد جدر الدولمه وتشريب الباميه ورأس البصل شلون يطلع وألا تصير مخالفه دستوريه ..لازم على الاقل عزيزتي الناهبه تحتاجين فتنس عالبايسكل لمده ساعه وشويه مشي ..حتى جدر الدولمه بصلايه بصلايه يوكع..ويبقى بس ورك العنب..والله يراد من مجلس الناهبين, أيسوي دورات للناهبات حتى أيغيرن من وضعهن..شنو ذنب الشعب العراقي, وهو أيشوف يوميه ناهبات العراقيه لو التحالف الوطني, خالات نص كيلو طباشير بوجهن وكل وحده دبل أكسل وأكو قاطره ومقطوره..والنوب أيشوف المسلسلات التركيه والقوام الرشيق لجميله وفريحه وكحاب السلطان والفونسو المكسيكيه..شنو ذنبنه شوفونه حل ..ولله في خلقه شؤون!!
وما خفي كان أعظم