إنقلاب، ثورة ، سحل، أبو طبر، تصفيات ، حوادث، مخابرات ،أمن، لتحجي عالنائب، طلع ومرجع، يا سيف يا رايه يا فكر وعقيده، سفروهم تبعية، انذبوا جوة، إنكطع الدهن بالسوك، إعدام، بالروح بالدم، الأجهزة الدقيقة جابت حاسبات، شلعوأظافره، حرب إيران، غاره، مسيرة ،نوط شجاعة، خائن، ديوزعون لحم، وين وكع الصاروخ ؟، أسرى، معوقين، دا أكله الفاو راحت، دربالك إبن مسؤول، شهداء ، طابور خامس ،افرار، واكف سره بالسوق المركزي يريد يعرف شديوزعون، ملفوف بعلم، ميتسوبيشي ٨٢ رصاصي كاعدين بيهه إثنين يقرون جرايد الظهر بتموز، العياده معزله الطبيب أخذوا جيش شعبي، زوجي وفردي، دينطون طبقتين بيض لكل واحد، تقشف، المؤتمر القطري السابع، صور من المعركة، ماليبو مال شهيد، عدي، قصي ، لؤي، مواليد ٥٨ ، دفتر خدمه، شكد إنته رائع سيدي، ارهاصات، ثقافة قومية، الفايدة، سنجار، عين زالة، كوبونات، خلصت الحرب .. انتصرنه ؟… لك إفتح الراديو طبينه بالكويت… ببسي قواطي، كيت كات، بس لا يضربونه نووي… حصار إقتصادي واحتصار نفسي ، حرب الكويت… انتو وين بالنجف ؟ احنا بالسليمانية…خالو بالفلوجة لا يظل بالكم ، ماكو كهرباء ، احموا ألمي، يكلون بغداد إنهجمت، أكيد حيطيرو لصاحبنه، مذكرة تفاهم، عدموا تجار ، حملة ايمانية ، كصوا اذنه، أبو سياف، فدائيين، يدز لاهله ميت دولار بالشهر وامورهم زينة الحمدلله، ابيش اليوم ؟ الدولار إبالفين وخمسمية، فرق التفتيش… الولد إبن خوش عائله و مهندس و يشتغل سايق بال يو إن.
.. أسلحة الدمار الشامل ، ترى الأمريكان جايين جدييات هالمره … لا بابه خو جان سووهه بحرب الكويت ، فرقاطه بالخليج… لك هاي صارت جدييات… شكلنه ؟! ، العلوج…، أمريكا … قاتلوووهم… الزيتوني بالشوارع… لاسنه ولا شيعه كل الوطن حنبيعه… يمكن يرجعون الملكية… بابا أمريكا ما احتلت بلد إلا وطورته، مجلس الحكم، عقود ، المنحة اليابانيه ، إجتثاث، مترجم مال امريكان ، مفخخة، حرب أهلية لو أهل حربية ؟، طكت ومن التمت العالم طكت اللخ… شسمك ؟ أني عمر بس يدلعوني علاوي…مطلع إلا بعشر دفاتر، تكنوقراط، قاعده، لاصقه، إنتخابات، ائتلاف ، تهجير ، تحالف ، قائمة إنتخابية ، لكوا جثته مزرفه بالدرل، الوحدة الوطنية، إستحقاقات دستوريه، الجثة بالشارع بس منكدر حتى ندفنهه، جيش القدس، توافقات، طفر لعمان، صار عنده عمارات بلندن، سيطرات، بس، بس ميو، جهاز أبو الأريل ، ميت يوم ، لجنة النزاهة، اربعه إرهاب، أشيلك والله، صديقي باك محفظتي وقهرني ، خمط مرعب ، طكوك إداري، الفساد افة، لاله، صاحب المولده يطفيهه بلب الحر، طافت المجاري ، غركت الشوارع
لكن الحمد لله … إتحوسمنه ديمقراطياً ..وانعلسنه دستورياً وانخطفنه أخلاقياً…….. كلي.. اشتعلت الوطنيه ؟! … ولك انطفت الوطنيه… للابد
[email protected]
