أليس المالكي من أبوين عراقيين بالولادة
أليس يلبس الدشداشة
ألا يحبّ الدبس مع الراشي
الا يفضلّ السباحة في النهر على أشهر المسابح
ألم يلعب الدعبل
ألم يأكل “حنيني” التنور
الم  “يكسر” مصباح المحلّة بالمصيادة
ألم يلهو مع أقرانه خلف كلب يعرج
كم مرّة تأخّر عن رفعة العَلَم
ألا يحبّ الجري خلف سيّارة الرشّ
ألم يعبر الطرقات شامي عامي
ألا يهوى الشخبطة على جدران الدربونة
ألا يهوى لعب الحزورات خمسات بسكوت عن المعلّم
ألم يلعب الختّيلة
ألا يهوى الهروب من المدرسة
ألم يرسب بدرس “النشيد”
ألم “يَگلُبْ” ب”الِحساب”
ألم يَفِزَّ من نومه فزعاً من السعلوّة
ألم يلعب “توكي”
ألم يضربه المعلّم على أصابيع يديه بسبب أظافيره الطويلة
شكم مرّه تأخّر عن اصطفاف المدرسة
ألم ينعقچ من دروس الرياضة والرسم والحساب
الا يهوى سماع البلبل
أليس هو عصبي لأتفه سبب
ألا يعشق العِشْتُو
ألم ترتفع ببطنه الغازات بعد دفعه “الْوَيْرْ”
ألم يرمي الشمر بِالِحْجارْ
ألم يحصر بزّون بزِوِيّه
كم نملة سحق بنعله
ألا يهوى قطف ثمار البساتين والهرب
ألا يهوى جمع العيديّات
 
مو آلاف المرّات يعيّط بالاصطفاف وبنشاطات المدرسة شعلة البعث صباحي
كم مرّة غلّس دفع حساب الأزبري وسط الزحمة
ألم يذبْ آلاف الزروك ع”الواهليّة”
ألا يحب “زبّ القاضي”
وظروگ الفار
كم مرّة تقشمر بجيس منفوخ
بتفلة بظهريّة تمّوز عبالة خمس فلوس
كم مرّة حجه نكتة وفِشَل محّد ضحك
جَمّ مرّة ضحك قشمرة حتّه ميفشّل صديقه من نَكَّت
ألم يمسك بطنه من شدّة الضحك
مو نوبه گام يگهَد مثل النسوان
 
مو نوبه روّل
مو نوبه شاف الضوه من بعيد كال احتركنه
مو نوبه انطرح بالكاع وراد يضـ.. من الضحك
مو نوبه “ض” واحمرّ وكام يعفّط گلّلك بلكت “اتضيع” !!
مو نوبه بظلمة سلّم عله برميل عباله زلِمَه مگمبص
ألم من شدّة الوجع سكب فوق ضرسه دهن بريك
مو نوبه كام يدورون عليه أهله ظنّوه ضاع
ألم يسوّي روحه ماعنده وجيبه مليان
كم من المرّت ظنّوه هو ولم يكن هو
ألا يهوى فلم رستم وسهراب
 
عنتره
 
مو نوبة رأى نفسه كضـ.. ضايعه بسوگ الصفافير
مو ليهسّه ناس يطلبوه فلوس
ألا يهوى ليلة العيد
كم ذبّانه كتّل بحياته
ألا يهوى النوم وفمه مغلق
ألا يهوى بصباه ينادوه بالصادق الأمين
ألا يتمنّى يكون كعليّ
ألم يبالغ بقوّة عليّ وزرك الگاعدين علي رفع نصف الكون
ألم يُقبّل عتبة باب الحسين
ألم يبك يوماً عند شبّاكه
ألم تنذر والدته خبز العبّاس بس ينجح
مو عنده غيره
غرغرة
ضمير
مو راد ينعلس نوبه
 
مو “فوّاز” عند مقام رُقيَّه بسوريه جتّه رسالة بيد واحد من بغداد لازم يودّيهه “لجواد” لوما هوّه انعلس بوكتهه أبو إسراء