زين أذا حسن الشمري الاعور الدجال يعدم الارهابيين..جاه منو كاعد أيفجر بالعراق.. أم اللبن لو حسنه ملص ..وشوفو العين الوكحه وهي تفجر سيارتين يم كراج عباس أبن فرناس.. وهاي رساله واضحه للمالكي تره أحنه نكدر نوصل بكل مكان.. السؤال ليش هاي السيطرات موجوده وشنو فائدتها أذا سيارات الارهاب تعبر وتفجر بالمكان اللي هيه تختاره.. هاي السيطرات وجدت حتى تستفزك أيها العراق الجبان..حتى أتهين كرامتك الباقي منها بس شويه..حتى تضحك عليك وتحتقرك بعد أكثر والحيوانات الشرسه اللي حاطيها وهي تباوع على بناتك وزوجتك وخواتك.. بس لمن تعبر السيارات المفخخه والارهابيين ياخذولهم تحيه ويسهلون الطريق حتى توصل بالوقت المناسب وتحصد أرواح العفطيه من هذا الشعب..
أسمعو يا عراقيين الى برقيات الاستنكار والشجب والادانه من المالكي وأعوانه..كليشات جاهزه وتبث على قناة العراقيه الارهابيه.. كليشات تحمل القاعده وأقزام البعث مسؤولية الانفجارات.. ماكو واحد من أقزام دولة القولون أيحمل المسؤوليه على المالكي والنمونات اللي حاطها على الملف الامني.. ماكو جلب أبن جلب ولا عاهره بنت جلب يسألون القايد العام شلون حاط مضمد صحي على وزارة الداخليه.. وشعار دجال أبن بربوكه على وزارة الدفاع.. ولك شنهي خلصو العراقيين من الكفاءات ماكو غير ذوله البعوره الفاشلين تنطيهم حماية أراوح العراقيين.. ذوله الصخوله تكدر تحمي نفسها حتى تحمي شعب قذر طايح حظه يرضي بالمهانه وهو أيشوف الذبايح تنحر يوميه ويروح ينتخب نفس الجلادين.. حيل بيكم وعساكم ببوزايد.. والله أحنه ما نشفى بأهلنه..بس صبرنه خلص يا عراقيين.. جم دوب نكعد الصبح ونروح أنشوف خبزتنه وين ولمن نرجع للبيوت جنايز وجرحى.. ليش ..
السؤال اللي يتردد اليوم.. شيريد نوري المالكي من هذا الشعب.. عندك ثار تريد تاخذه.. هذا الشعب مسويلك شي .. مو كافي يدفع هذا الشعب الدم.. يا أبن الحلال أذا جنت متكدر أتسيطر على الوضع أطلع وخبر الشعب وكول تره أني بعد ما أكدر أشتغل..تره أني تعبت وتعبتكم.. أحنه متأكدين ومقتنعين يا نوري المالكي عندك ثار من عدنه ولازم تشوفنه نجوم الظهر.. صدكني من وراك شفنه الويل.. شتريد بعد.. أشو أنت وصخولك كاعدين بمنطقه محروسه من الايرانيين والامريكان.. أكو أبن جلب طلع وشاف الرعب والاضطهاد اللي يتعرضله هذا الشعب.. الدم اللي سال اليوم والسنين الماضيه كلها بركبتك يا أبو سراوي.. هم راح تعوض أهلهم بعشره مليون دينار.. وراح تتأسف وتستنكر..هذا السعر العراقي البخس يا نوري المالكي..والله ونبيه كل قطره دم عراقي تسوى ملايينك يا مالكي.. شلون شعورك وأنت تشوف أبنك السرسري وهو ينزف دم ومتكدر أتسويله شي.. ويضيع من بين أيدك.. شنو شعورك وأنت تشوف أسراء وهي مكطعه الايد والرجل والدم يطشر بالشارع.. روح أسأل أهل البشر اللي راحو ضحايا فشلك وسوء أدارتك ..
بالدول الطايح حظها ويصير عدها قتل شرطي واحد أتشوف وزير الداخليه يستقيل والدنيه تنكلب.. وأحنه عدنه مسلسل القتل وسفك الدم جاري المفعول وبفضل حكومه أيديرها مضمد صحي وتاجر سلاح.. وكل هاي والمرجعيه قلقه على الوضع العراقي.. أكو حقاره وأهانه للشعب أكثر من هاي.. محد أيوصل للمرجعيه ما يحصل بالعراق.. معقوله يا عالم.. أذا المرجعيه أتغض النظر على دماء شعب يتعرض يوميا للذبح والسلخ فلا خير بيها..
من أجل ذلك أنطالب رئيس البرلمان الجايف أستضافة نوري المالكي والقيادات العفطيه الامنيه وأستجوابه علنيا وأمام الشعب الخايس حتى يكون لكل حادث حديث..
وما خفي كان أعظم
