واحد من جماعة نعال تك أصبع.چان ما لاگي شي. يتوسل بينا نشتري له لفات فلافل بالعمبة.
وهناك تداين فلوس من جماعته ودفع ٤٠٠ الف وطلع لعمان.
أنقطعت أخباره.
سنة ٢٠٠٨ شفته لابس قاط ورباط فوسفوري
أول ما شافني مد ايده بجيب القميص وگال : هذا بيزن كار مالي!
اخذته وعرفت يقصد : بيزنس كارد
مكتوب : مدير تنفيذي
گال لي إتصل بي السيد أبو هدى وگال تعال عدنا شغل ألك !
گتله : منو أبو هدى؟
ضحك كلش وما جاوب،
صعدت بسيارته، بالطريق شاف الزبالة والخرابات ومشينا من گدام محل فلافل.
جر حسرة طويلة وگال لي : بعد الله شي يسوي بيكم إذا بعدكم تاكلون فلافل بالعمبة !
كتله : ليش حرام ؟
ما جاوبني وما عرفت الجواب لحد هسة ولا عرفت أبو هدى
[email protected]
