فضائي !!!!           
نامي يا جياع الشعب نامي…
مختار العصر قائد مو حرامي…
مسجلّله جم ميّة فضائي…
واحدهم يضحّي و فدائي…
من المريخ متعنين جوّي…
سور الوطن منهم اِنسوّي…
من عطارد قسم منهم …
بالحاسبة ما نكدر نعدهم…
و من زحل نزلوا نشامه…
باليمنة هاون و باليسرة قامه…
ابد مو همّهم الراتب …
و الّلي ضدهم نسبّه و نعاتب …
نامي يا جياع الشعب نامي…
====
على الورق من اقوى الدول اِحنّه…
بعجّه وحده ما كمنه طِحنه…
راح تاكلنّه الحيايه …
اذا ما تَرأّس الآية…
بهاي ترسوا هالعقول …
و للذبح قادوا اِعجول…
قشمروكم بالحجي…
و انتو بس لطم و بجي…
كاضيها دك و نواعي …
و هوسات و بزخ من يجي الراعي …
نامي يا جياع الشعب نامي …
=====
هاي صوجك يالعراقي …
تكول آنه واعي و آنه راقي …
تنتخب هاي الشِكول …
عبعوب من اليسرة يصول …
و حنونة من اليمنة تِجول …
اِشبعد أَحجي و شَرد أكول…
بالصيف الجو مشتعل …
و القوة اسم بلا فعل …
بالشتا برد و مطر …
و طسات و اطيان و نكر…
نامي يا جياع الشعب نامي …
===
آخ منِّج يا حنان …
عفية طولك يا لسان …
مهاجمة حشر و بشر…
ما جه مِنّج بس ضرر…
ريّسِيج جان فاشل مرتشي…
ركضة طويريج ما تفيده , و بعد ما يفيده المشي…
العباس متبّري منه…
و بعد ما نسمعله رنّه…
اِنطفه بيه الحجر…
و طغى مِلحه على الشَكَر..
للمحكمة برجليه رايح…
و على المنصة باجي نايح…
آنه اواعدكم يا خوتي…
هذا حال الصار لوتي …
ربّي لا ترجّع دعائي …
ربّي موّت كل فضائي …
شخري يا حشود الشعب نامي !!!