ي هادي التايهين يصير بيه اتيه
وكل دگـة سگـم مرسومه بااشرافك
عطشانه وصفر بعيوني دلو البير
يبس ريج النهر واتغير اخلافك
واحة دفو عيونك والعمر جمال
دليله الگـمر من ايغازل اوصافك
ابدوي وعيونه خيله والحلال اسنين
ينحرهن انذور ابلحظه لو شافك
اذا ريض خيالك تستضيفه الروح
عزف تموز روحي وبارده اطرافك
ابغترتك روحي مشدودة وضحكتي اذنوب
ونذركل سن رهن للدوم باوقافك
رميت وخيمت واوتادك اسجاجين
تدگـ حيل اعله گـلبي وتعصر اشفافك
تتعلل غنه وانه الطم ابفرگـاك
الضحك للسن عليمن ترجف اجتافك؟
تستنگـه اعله كيفك للرباب اوتار
كل نغمه ابضلع يتوقع انصافك
تعذبني بقصد تنشر اجروحي اعلام
سبق تاخذ ابگـلبي وابد ماعافك
