عام  2015  خلي بالچ على الفقير عام  2015  لديرين وجهك وخلي بالچ على الفقير

تره انمردنه مرد اللبن طيلة  عشر سنين

عام 2015 خلي بالچ على الفقير واليتيم  والمساكين

خلي بالچ على العراق وعلينة والنازحين

قبلج ذيچ السنة صارت انفجارات وبراكين

لا كنيسه لامسجد لانبي فجروهن الحاقدين

لا سيدة لا أم لا بنت اغتصبوهن الكافرين

وشعيط ومعيط باگو فلوس النازحين

قنبر وغيدان وسويلم  اول الهاربين

و صار القتل وجز الرؤوس بالشوارع وبالسكاكين

والشعب والوطن لبسوا ثوب الاسود والحزين

ودجلة لبس ثوب الاحمر متلطخ بدم سبايكر والعسكريين

شسولفچ عام اشتهر بالصخرة والفضائيين

عام زفت ب زفت ويه عبعوب الوسيم

عام زفت بزفت بي قائد ضرورة وحكيم

عام السياسيين ما خلوه يشتغل للشيطان الرجيم

انتچه الشيطان على صفحة وگعد يندب حظه الاليم

عام 2015 خلي بالچ على الشعب وعلى الفقير

واشويه خل السياسيين يصير بيهم صحوت ضمير