أيكولون حدث العاقل بما لا يعقل فأن صدق فلا عقل له..أمنين أجيبها وأحطها متعبر يا جماعه..خلوكم وياي..أربعة مهاجمين أيكلبون وزاره سياديه عالبطانه أبلد مليان سوات وقوات ذهبيه وفضيه ونحاسيه وسيطرات بيها أجهزة كشف عن الحلوات وشلون أطيحون حظ العراقي أذا جانت وياه زوجته لو صديقته لو حتى كحبته..العراقي العفطي يفقد كرامته وينعل ساعه السوده اللي أنتخب بيها هيجي بعوره ..فوت هاي تعلمنه على طيحان الحظ ..أثنين منهم دخلو قاعة الانتظار ويحملون باج الزياره.. خوش فيكه..هم ميخالف..الاثنين الباقين طلع عدهم رشاشات وأحزمه ناسفه ودخلو الوزاره.. صدك جذب ..جاه وين أجهزة الكشف عن البخور..ولا سيطره وكفت هذوله البعوره وكالتلهم هاي شنو يا جماعه أشو شايلين متفجرات شنهي القصه.. فلم هندي لو رايحين للجبهه .. هاي ما أخليها تفوت ..لان اللي أيسوي هالشكل لازم عنده باج حكومي والمهاجمين يستقلون سياره هم حكوميه ..يعني ذوله الربع من أهل البيت ..لا وجماله أيعرفون هذا الطريق اللي جان مسدود وأنفتح الخميس ..منو كللهم وشلون عرفو راح ينفتح الطريق ..أني مو المفتش كونن ..بس من طبينه للوزاره ..جمعت هوايه أسئله براسي ..الكاميرات اللي على بناية الوزاره مصورت هاي الطركاعه..الدجال الاعور الشمري وين جان.. شنهي رايح للسوك لو أيريد أيبدل قنينة الغاز..ولا صخل وكيل يشتغل بالوزاره .. والنوب ولا مدير عام..هاي شنو وزاره تايها لو الجماعه راحو أيلمون المحصول..هاي سولفوها عالبطه..متعبر يا جماعه..واللي صور هذا السيناريو والمخرج والممثلين كلهم فاشلين..واللي ضحكني من شفت واحد من المهاجمين فجر نفسه بالطابق الثالث..وين بالثالث وحطم غرفه وحده شنو بيها يا شمري هاي الغرفه..وتصورو دخلت قوات سوات والفرقه الذهبيه وكامو يرمون وصارت كارثه مقصوده..زين همه أربعه..واحد فجر نفسه بالطابق الثاني وأشلاء جسمه متناثره عالحايط..والثاني بالثالث..بقو أثنين..كمشتوهم..وينهم..لو طلعو ويه الموظفين المخروكعين من الباب الخلفي..بس كولو ليش ترمون بالهوى..
خطيه هذا الشعب..شنو ذنب موظفي وموظفات الاستعلامات..جثث مكومه ..دم بالكاع ..بنايه راحت حرامات..بس أريد أعرف ليش مصره حكومه الباشا نوري المالكي على أغبياء منين ميخلوهم همه أغبياء وفاشلين.. يعني هذا العراق المعفن ما بيه ناس عدها خبره بحفظ الامن غير ذوله الحفلك..أشو كبل مجان يكدر مطي يحجي ويه موظف.. ليش هسه دا أيصير هيجي.. الخلل من فوك.. والفوك أمجلب ومحد أيشلعه لو يجي الريل..ليش يوميه دم ويوميه ناس ما ألها ذنب أتروح بسبب أخطاء وأغبياء مجلبين بيهم..صدكوني كلشي ممكن يتغير لو بس السيستاني أيحط عينه على أبو سراوي ويدزله بس بوري واحد..بس واحد وشوفو شلون أتصير الامور.. ما أدري ليش هاي المرجعيه عايفته وخالته يلعب بالعراق والعراقيين..شنو جايب كرين كارت من خامنئي..حتى لو..أحنه بشر ونريد نرتاح..أيام الاسبوع كلها صارت دمويه..بس كولولي شكد كتل صدام من عدنه..أبو سراوي ترس مكبرة النجف ترس..شوكت يجي اليوم اللي نرتاح بيه..وراحت صفقة السلاح الروسي..ومثل ما كال علي الدباغ..الايام هيه اللي تنسي العراقيين فساد الحكومه..
وما خفي كان أعظم
