ابرية الاقلام وسودت الصحائف ولا تدري من هو الفائز في المباراة وكلها تحلل وتركب وتنظر وتستنتج وتستبشر بالحلف الرباعي الذي سيقلب الطاولة على رؤوس العرب والامريكان يا ناس مو هل الشكل والله عيب واحد ينسى الفضل بهل السرعة ؟ ليش كل اللي سووه الامريكان معاكم شطبتوه بجرة قلم اي ميصير واحد بسرعة ينسى طعم الدولار اللي كان واحدكم يحلم بعشر دولارات سواكم اوادم ولبستم قاط ورباط وقندرة كلوصية وركبتوا سيارات اخر موديل وارصدة وممتلكات وجولات وصولات وافراح وليالي ملاح ماتت ضمائركم ؟؟ يابه هذا البوتين لو بيه خير جان سموه خير الله هذا من طيحان حظه لايب ميعرف شلون يسود وجهه .. اخوان هذا الرجال جاي يدور على عظم بالمزبلة هو انتم والامريكان خليتوا شيء بس الخرايب والمصايب هذا لو بيه خير هاي اوكرانيا يتزاود وياها اخواني الطلبه هذوله كل اللي باقيلهم قاعدة طرطوس بالمنطقة خايفين تروح منهم يكلك بلجن بكم طلعه وتفتر الامور ويخرج الاسد من عرينه ويزأر بأعلى صوته ويصيح اني موجود اخواني هذا الاسد تحول ارنب وبعد ممكن يرجع اسد ليش هي لعبة نوبه اسد نوبه ارنب ؟؟ اخواني الطلبة ذوله بعزهم خذلوا صدام حسين لازم عميتوا لو نسيتوا بريماكوف عندما تعهد لصدام حسين بتأمين انسحاب امين للقطعات العراقية في حالة انسحابها  من الكويت ونسيتوا مجزرة الدبابات العراقية وكيف فتك عمامكم الامريكان بالجيش العراقي المنسحب اشو مع احترامي لمقاماتكم لا فس..ه ولا ضر..ه من الجماعة بعدين من يطير الاسد  مثل الافياله اللي طيرتوها قبل شتكولون على روسيا راح ننتظر ونشوف تاليها ؟؟ يابه خلو شويه ثقل بجيوبكم حجارة حديده لتضلون حجايه تجيبكم وحجايه توديكم الى متى على حس الطبل خفن يرجليه تره الخ..ه اخو الب..ل كبروا عقولكم وطنك وابن بلدك حزام ظهرك لا تدورون بالخ..ه على حب الرقي