بعد البيان الذي اصدره سائق الكوستر فرحان الغضبان والذي وصف به نساء السياسة بالعاهرات وتحديدا في اليوم الثاني من البيان تفاجيء جميع ركاب الكوستر( العبرية) بأحدى النساء وهي تعاتب فرحان الغضبان بشدة بعد ان قدمت نفسها قائلة ( اريد ان يسمع الجميع بأني عاهرة و؟ و؟) ، وهنا قاطعها فرحان الغضبان قائلا ما القصة وما هذه الالفاظ فقالت العاهرة( انك يافرحان وصفت نساء السياسة بالعاهرات وانا اعترض بشدة لانه وبصراحة لاتوجد مقارنة بيننا نحن العاهرات وعاهرات السياسة) ، واضافت هذه العاهرة ( بداية يجب ان تعرف اني احتقر نفسي واحتقر مهنة الرذيلة التي انا فيها ولكن رغم كل هذا وذاك فأنه لا يشرفني بأن اكون احدى السياسيات ،لانهن اي السياسيات ذنبهن كبير لا يغتفر فهن بالأضافة الى سهرات الليالي الحمراء والمجون فأنهن مسؤولات عن دماء الابرياء من اطفال وشيوخ ونساء وعجائز، اما انا العاهرة ولله الحمد لم تتلطخ يدي بدم الابرياء) ، وهنا تدخلت أمرأة من العبرية وقالت ( دخيل الله صدك انتي عايقة وعاهرة ولج شلون تحجين هيج حجي ما عندج اهل يذبحوج) ، فردت عليها العاهرة ( خالة اذا انتي عندج هيج ألسان ما تحجين ما تصرخين بوجه اليذبح هذا الشعب من الوريد الى الوريد وما تحجين ودكولين ، لو بس بيج خير أطلعين السانج على حالي) ، وتدخل فرحان الغضبان وقال ( عمي استغفر الله صدك جذب يعني هيج صار حال السياسيات حتى العاهرات يستنكفن من عدهن و اصبحنا ناخذ المواعظ والحكم من هيج شكولات) ، فردت عليه العاهرة ( شوف فرحان اذا بيكم خير احجوا على العاهرات الاصليات مو كادرين علينه) ، واضافت ( اني عندي امل ان يغفر الله ذنبي لكن شنو حال الذي قتل او قتلت الناس جميعا !!) ، فرحان الغضبان أوقف سيارته وطلب من العاهرة ان تنزل من الكوستر ، فقالت له العاهرة ( اني نازلة بس اذا بيكم خير اكفوا وكفة زلم ونزلوا هذني العاهرات الصايرات سياسيات) ، وانتهت الحلقة مع البحث عن اجابة لسؤال العاهرة ( نزلوا هذني العاهرات الصايرات سياسيات ؟) ، واعتقد ان الحلقة القادمة ستشهد حضور احد القوادين !! ………. وعجبي….