ولايهمك جبار ابو العرك ’’’لاتضوج ’’’فانجلينا جولي امرأة جميلة وفاتنة ’’’تمشي وتسافر براحتها ’’’تلتقي بالناس وتسمع أخبارهم وتشوف طلباتهم ’’’وتساعدهم ’’’بالغذاء والدواء وأحيانا بالمال ’’’وهي بعدها شابة وقوية ’’وكل الحيل بيها ,,,مو مثلك لا حظ ولادبان ’’’صارلك أربعين سنة خاتل بسردابك ’’ياكل بيك الكمل والحرمس ’’

ولايهمك ’’’هاي الدنيا عوجة وغبرة ’’وتدور الدوارة وتفتر الفرارة ’’ويمكن بعد جم شهر’’لو بعد جم سنة ’’’لو بعد جم قرن تطلع من سردابك ’’وتمثل بهولييود افلام مثيرة ’’يعني أفلام رعب ’’’افلام جنس ’’’افلام حب وجكاير وعلج ’’’ويمكن يجمعك الحظ والبخت بانجلينا جولي ’’’وتمثل وياها فيلم سكسي بعنوان “تاج الراس واميرة البحر “”

ها ولك جبار أبو العرك ’’’نسيت شلون بعت الموصل ’’أي مو اجاكم مهدي الغراوي وكال الكم ترى الموصل في خطر ’’’ونوري المالكي امر القوات بالانسحاب بامر من قاسم سليماني ’’’ليش سكتوا وما حركتوا ساكن ’’’لو هذا جي المالكي ’’حبيب عمرك ’’اللي وصلته لباب السرداب فد مرة ,كلته هاي اول مرة اسويها ’’’

ما كفاك ’’’اوجبت انتخاب الكحاب والكاولية ’’في قائمتي 555و169’’’وجبت النه احقر خلق الله ’’’من الحرامية والسرسرية اللي سرقوا الحرث والنسل ’’وباكوا كل شي وكلاشي ’’’ورجعونا لعصر الحجر ’’’وباكوا من خزينة العراق اكثر من 3 مليار دولار ’’تكفي لشراء قارة اوربا باكملها ’’’

زين شوفها لانجلينيا جولي شلون مهتمة بشهداء ويتامى الموصل ’’’ومليانة رقة وحنان وأنسانية ’’’وانت الاكمع الابرص ’’’لامهتم بشهداء سبايكر ’’’ولا مهتم بعوائل شهداء الحشد الشعبي ’’’ولامهتم بانحدار المستوى المعيشي والاقتصادي ’’’ولامهتم بعطش دجلة والفرات ’’’ولامهتم بفساد وكلائك الذين حولوا العتبات المقدسة الى سراديب للجنس والمخدرات ’’’’

عمي طركاعة ’’’’تطرك راسك ’’’’جا هي وليه ’’’

وتاج تاج على راسك “انجلينا جولي “’’’’