أجتني رساله صغيره, دكلي, الكره أبملعبك.. ورحت أدور بالقاموس عن الكره, وملعبك.. ولكيت الاولى معناه أنشك, والثانيه معناها حلكك, وجمعتها صارت أنشك حلكك.. وشلت نفسي , ورحت راويتها , ألصديق عنده خبره بهيج سوالف وجان نايب عريف بجيش المهدي أيام كبل بسوك الشعله.. من قراها ضحك ,وكلي: شوف ,أحمد الله , لو كايليلك الكره طبت بملعبك.. يعني روح شوفلك جاره, ضم نفسك بالحيانيه بسليمانيه.. مثل ما ضمو نفسهم الهتليه الدباغ والبدري وأحمد العلواني  وغيرهم من السحيوات.. وحتى أدكول أخوك خبره.. شوف صباح الساعدي, أجته رساله دكله ,الكره خشت أبملعبك..شوف شلون يتلاعبون بالكلمات, خشت وطبت الكره تختلف عن صارت الكره أبملعبك ,شلون ألها تأثيرعالمنفذين, وهذا تفسير المحكمه الاتحاديه, أي مو ياهو أليجي أيفسر بكيفه.. يعني يا صباح , ما أيفيدوك, لا بيت زامل ولا بيت داخل ولا حموله البو هليل ولا حتى كمال الساعدي أيفيدك..راح أيعلسوك علسه, بس المجادي مال كراج النهضه, يلكون أربع أصابع  وربع من لسانك, والبقيه, مطشره.. وصورتك توزعت على المجاهدين, وذوله من يجيهم الملف , يعني أتلفوه, وصارلهم كاعدين فتره ماكو شغل, وخالي أجاهم صباح, بساطور واحد ,كل أدواته الاصليه تتوزع بالمحاصصه..
 
 والمتظاهرين اليوم أيكولون, الكره بملعب الحكومه, وكلت الحمد لله مو خشت بيها.. يعني بعدها بره, ولو صايره ملامسه وتنتصب الحكومه , جان بس الله يستر, بويه, جان وكع المحظور, وناس تخش بناس , جان صارت جوله وشيلحكلها, لا كوبلر ولا السيستاني ولا الصدر, أيكدرون أيفشون الانتصاب.. لان تصير فرض عين على كل جحش مستضعف ..وعلى تفسير صديقي , بس الحكومه تكدر تنتصب , والشعب ما يكدر ينتصب بالحكومه, وهذا تحصيل حاصل, لان الدستور كفل حقها بالانتصاب , وأكو تأييد من المحكمه الاتحاديه بالماده الرابعه منها , يحق للحكومه الانتصاب وقت ما تشاء لدورتين متتاليتين..هيه بيدها تلغف كلشي , وبيدها أتسفر الجياف وبكلشي , لعد ليش سموها حكومه, ونحمد الله أن الشعب صار بيد سعدون الدليمي ومحمد العسكري أبو الكيوليه,جان كل ما يروح ياخذ وياه عبد القادر العبيدي, ينتصبون بفلوس الشعب..مره أيدششون الكره أبملعب الكيوليه ومره الكيوليه أدشش الكره أبملعب الدليمي والعسكري وللصبح..
 
 وذاك اليوم , سمعت النجيفي  أيكول لسيدة الفضائيات حنونه الفتلاوي, الكره الان بملعبج.. كلت ويه نفسي, شكد عيب, ما يستحي ريس نواب وخبصه, أيكول ألنايبه, أبملعبج, أني لعبت نفسي, وجسمي كزبر, وكلت لازم أرد النجيفي بمقال , أرزله بيه, على هيجي حجي سرسري وعفطي من ريس ولابس قاط جديد ورباط أشتراهم من الهند, بفلوس النثريه.. وهيه حنونه يستر عليها حافظ القاضي, ما تكعد راحه..ولا جنها طبيبه, دكول دلاله , عدها لسان, كل ماجاله يطول..أكعدي ونجبي ولا تخلين نفسج ويه الزلم , عيب..اليوم هذا أيكلج أبملعبج , باجر يجي محمود عثمان أيكلج ما أعرف شنو طب أبملعبج , خمس نواب سته, أيدششون أبملعبج, ما أعرف شنو , عيب أنتي نايبه, وأحترمي نفسج, وكعدي يم اطفالج , بس العتب مو عليج على رجلج ألعايفج على راحتج.. أخس أخس..

والكره اليوم أباب المحكمه الاتحاديه , يعني بعدها ما داشه..حتى تحكم بين مضاريط الشعب وريسهم ..أذا كالت , أيحق للمضروط عليه  لولايه ثالثه, وهو هذا اللي راح أيصير, لو أيدششون الكره أبملعب المضروط عليه, ويفرحون المضاريط الباقين ..وأحنه المضروطين بهم راح نبقى , ها أيحق وها ما يحق..وننسى المليارات اللي ضيعوها, وننسى الخدمات وعلة الكهرباء والبواري اللي خششوها بينه,مره بحجة الدين ولطمونه, ومره بأسم العلمانيه وقشمرونه, وضيعنه الكره والملعب..

الكره راح أخليها أبملعب الشيخ الجعفري,والرحمه من الله مو من بشر.. قناتك بلادي , طلعت عائله عراقيه تستنجد بأهل الرحم , أذا أكو رحم بالعراق بعد .. واكعه من فوك, وما عدها بس الله ,بعد أن غسل صاحب العائله أيده بمي مالح, لان ما عنده صابونه, من اللي أيسمون نفسهم مجلس محافظه صلاح الدين, الكواويد , طردو أبو العائله الواكعه من باب المحافظه..ويجي اليوم اللي الله يطردهم من دنيته , أنه سميع مجيب..شيخنه الاشيقر, باوع على هاي العائله, حتى الله أيباوع عليك..
وما خفي كان أعظم