لم يتحول هذا البلد الى المدنية مالم تحاكم المعتقدات والانتماءات ….ايها المدنيون الدين ، المذهب العشيرة اندادكم ….. اي نضال لا يهدف الى هذه المحاكمة انما هو “تسلاية “والمحاكمة لا تعني ترك الانتماءات وانتم تعرفون هذا جيدا.
في جوارنا دولتان تحكمنا وفق العقيدة الإسلامية. ..المملكة السعودية إسلام وفق المذهب السني الوهابي الخالص، وإيران وفق المذهب الجعفري الأمامي الخالص. ….وبين هاتين الدولتين ثمة قضية ليست أساسها الدين أو المذهب، إنما الخليج ،نعم خليج اللؤلؤ واليترول. …بين السعودية وايران حرب. ..علينا أن نفهما على أنها حرب مقدسة. ..
احنة العراقيين شيعة وسنة وكلش انحب انتماءاتنا هاي
للشيعة سلطة وارض ، وللسنة سلطة وأرض
لا دين غير الإسلام
لأن من ابتغى غير الإسلام دينا لا يقبل منه ،خلصنا من اليهود وهواية قلصنا عدد المسيحين بعد اكو جم واحد خنگناهم واحنا ناس عادلين فسحنا لهم حق الهجرة. .
آلاف الجوامع والمراقد والتكايا والصالحين حتى اكو إحياء مقدسين
مكبرات الصوت تطلق فجرا اذانا مدويا في كل شارع وحارة
محاكم شرعية ،لها بنايات وتستحصل رسوم. .ما الها علاقة نهائيا بالدولةلا يصح الزواج في المحكمة المدنية إلا بمباركة شرعية
لا يصح التعامل مع البنوك إلا بفتوى
مكوس رجال الدين ليست ضمن الدورة المالية..كلها للفقراء…لأن الله كلش يحب الفقراء هم احبابه المرأة عورة بامتياز ومستورة. ..إخواننا الصينيين زودونا بكل فنون الاغطية الشرعية. .ولو همه يأكلون چلاب ..يگولون لحم الچلب مکروه عدنا. .یعنی من الاحوط تركه. .اكو احوط وأكو احوط وجوبا. .احنة كلش مثقفين دينيا. .عشرات القنوات الفضائية والأرضية، آلاف الجوامع والمساجد مئات الآلاف من الخطباء والعلماء وطلاب الدرس واجدادنا وامهاتنا وحبوباتنا وجيراننا كلهم يعضون ويعرفون الحق من الباطل. .بسن التكليف لبسنا كل بناتنا لكج وفصلنا الولد عن البنات. ..وأكو جم معهد سخيف يعلم اغاني وسوالف مال قرقوزات نسده نسده. ..
الحمدلله
أغلب الأمراض تعالج بالمقدس …لأن الأطباء ميفتهمون ،وين ايد الفتاح فال وين ايد الطبيب؟ غريبة هذا العالم خابص نفسه بالتطور. .احنة بإمكان طفل يطلع أكبر بوگة. ..كلشي نگدر نسوي بالجن لأن احنة هواية نحضره. …وكل شبابيك المراقد جاهزة للقسم. ..
محلات بيع الخمور صارت مدرعة ومصفحة. …بس ماكو فايدة تنشال تنشال. ..يمكن هي بقت بس بغداد بيهة كل الأموات شهداء …أغلبهم شباب وشابات وأطفال….اكو أعظم من الشهادة؟ ماكو عاهرات ولا لوطية …أتحدى اي واحد يخالف هذا الرأي. .أي مأخور ماكو كلها أغلقت لأن زمن الكفر ولى. .وكم شاذ وضعوا لاصقا في مؤخراتهم وأنتهى هذا الأمر وإلى الأبد. .اكو عدنا حسد وسحر وجن واستخارة بلدنا الله حافظه لأنه حفظ الإسلام لأن كل صور الإسلام بي الجهاد والتوحيد والصلاة وايتاء ذو القربى المساكين والنكاح وسن التكليف
وبه فرصة فعل الخير عظيمة، لأن بي هواية أيتام وارامل ومعوقين وعوانس وفقراء. ……شكد متريد فقراء اكو. ..فرصة عظيمة لا طعامهم. …
ولو هو بغيض بس بي الطلاق الحلال هواية كلش …النسوان نفسهن عدنا يحبذن تعدد الزوجات. …المهم أنكون مستورين. اني اسمع حتى هالايام اكو عبيد وما ملكت الإيمان وجواري. …المهم كله ضمن الشرع يعني أبد محد ينظلم
همزين اني عراقي. .وهمزين اني مسلم. .
