حبيب العربنجي عيوني ودگة گلبي ماكو داعي للقلق لأن عدنا سلاح ردع مهم جداً يخلي الكل يعرفون شنو همّ وعليمن جايين، شنو نسيتو المارد إللي بالقمقم ! هاي شنو هلگد مو حوش أنتو تنسون مقدراتكم الإستراتيجية المهمة ! هو موجود للفزعة، بس المشكلة يحتاج إلى إحماء طويل جداً لأن عملية الخروج من راس القمقم تحتاج إلى ليونة … اقرأ المزيد
أكيد هذا المهوال إللي إستلم كتكوت الحكيم هو محلل إستراتيجي وعنده رؤية متقدمة للتغييرات الدرمقتدية في العراق، من بچى بين يدي الكتكوت المباركتين وگال : آني يتيم!. وربما گالها في ليلة قدر صباحي إجت من وكت، لأن أشوف وراها الكل صار يشعر بالأبوة تجاه هذا الشعب اليتيم، ومن هبات ساعة الإجابة ذيچ أن الدرمقتدية راح … اقرأ المزيد
ها عيوني خلصت البوخة لو بعدها ؟ خلونا نشوف منو وشنو وشلون وليش البلد طاح حظه بعد ٢٠٠٣ حتى تعرفون شنو الجاي. أنتو إللي فرحانين بفوز الكتلة الصدعية ( الصدر + الشيوعي ) عساس الدولة المدنية جاية، راح أكشف حساب وياكم وأريدكم تغلطوني إذا الحچي مو تمام… هل أنتم موافقون ؟ لعد إستلم : منو … اقرأ المزيد
إلحاقاً بكل ما مضى، آني عندي چعب البريج بغرفة الخراء بالحمّام الشرقي، أو ورق التواليت إللي نمسح بيه مكان الخراء بالتواليت الغربي إنظف من كل الچهرات القذرة إللي لاطشين بالشاشة والشارع من ٢٠٠٣ ولأجل مفتوح، وما عندي أي إنتريستينگ بالڤوتينگ والقوائم الإلتهابية الإلتهامية الإنتقامية الإنتهازية الإنتقاصية الإنتصابية الإنتخابية، بس مال يكون أبو حمزة الواوي هو … اقرأ المزيد
كنت أتصور أن الشي الوحيد إللي ظل بالعراق ما تغير هو الأكل العراقي، جودة عالية، إذا مرگة شجر لو قوزي، إذا شوربة عدس لو دولمة، إذا لبلبي عالعربانة لو سمك مسگوف. بس بمشاهدة الپوسترات الإنتخابية طلع هذا التصور خاطىء، لأن نص المرشحات حاطن إيدهن على كرشهن يشتكن من الغازات، ونصهن إللى مصورات بس الوجه تعرف … اقرأ المزيد
بس أريد أعرف منو الخياط إللي فصّل إلنا هذا البخت ؟ أدري ولكم الناس في تلفات العالم گامت تبدل موديلات بختها وإحنا مچلبين بهذا البخت ولا نريد نغير الموديل، يمعودين ترى صرنا قشامر دگ عفاط بين الناس. ولكم باقي الدول الربيع عدها نسايم وناس حلوة وليلك وگاردينيا، وإحنا الربيع چهرات زفرة تملي شوارعنا وبقايا حدايق … اقرأ المزيد
لأن إحنا خرفان بشرية فنحتاج دوم راعي يحودنا، ونوبات هواية الراعي بس يعتمد عالچلب مالته، چلب الراعي يتولانا، عو عو واحد وإثنين وإحنا حتى الباع ( أو الماع بحسب طائفة وأقليم الخروف البشري وطعم التبن ) ما نگول إلا في الملمات والفزعات ، ذيچ هي مسيرتنا الظافرة نمشي ومتباهين بالليّة مالتنا إللي هي تأريخنا وأصحاب … اقرأ المزيد
عيوني شلون بخت ، هذا ولا يريد يفك ياخة من عدنا حتى لو نلبس فانيلات تعلاگة، ما أعرف منين يطلّع ياخة ويچلب بيها، يمعود عوفنا كافي مو ريحة فسادك وصل لأعماق خندق ماريانا على عمق ١٢ ألف متر في المحيط الأطلسي. وآخر ياخات مختار العصر ياخة كلش مودرن عبالك تصميم ڤيرساتشي على آرماني، ما أعرف … اقرأ المزيد
بيت مختار دربونتنا دجاجتهم صارلها يوم كامل ما سكتت، كل مرة قاق وقيق وتطلع البيضة بحسب رواية المختار إللي يتباهى بدجاجته بكل گعدة عبالك هو الديچ إللي يركبها، بس هالمرة تعبت الدجاجة وتعبت الدربونة وياها، عبالك ذيب جريح وشاديله صالنصة مو دجاجة، گلبت الدنيا حتى كل بيوت الدربونة صاروا عد بيت المختار، دخلنا وشفنا الدجاجة … اقرأ المزيد
من قوانين اللعبة السياسية أنْ يكون الجمهور والمتفرجين كلهم أغبياء وإذا مو أغبياء لازم السياسي يعاملهم على أساس أنهم أغبياء. والسياسة ما تنجح وي ناس مفتحين وعينهم على الخطأ والصح، من هذا نسمع بعبارة ” ذر الرماد في العيون” حتى العيون تنسد والسياسة تاخذ راحتها لأن بصراحة السياسة كلش بنت أوادم وتستحي من أحد يتفرج … اقرأ المزيد
هسة أحسن مشروع مربح هو واحد يسويله شركة عفطية ويصير هو رئيس الشركة، مشروع أبد ما بي أي خسارة. والشغلة ما تحتاج غير إعلان عن إجراءات تشكيل الشركة وتسجيلها في المفوضية العليا للشركات العفطية، بس قبل الإعلان لازم عندك أجواء ديمقراطية، يعني كل واحد حر يعفط مثل ما يعجبه وبالنغمة اللي تناسبه وفي المكان والزمان … اقرأ المزيد
أكو مؤشرات معينة بيها تعرف أي دولة شنو حالتها وشلون ناسها عايشين وبيا مستوى ، مثلاً كميات الصابون المستخدمة سنوياً تنطي مؤشر على نظافة الشعب، وكميات الأمونيا تنطي مؤشر على إنتاج القنابل في دولة إللي تصرف أمونيا هواية، وأعداد السجون تنطي مؤشر على ثقافة التسامح وحرية الرأي، والگبور تنطي مؤشر على أن خرة بالحياة .بس … اقرأ المزيد
دربونتنا من كل الجهات مزبلة وخرابة، چانت الجريدية تلعب بيها جولة، ما خلت شي إذا ما دخلتْ بيها وگرضتها وخربطتها، دعينا صبح ومسا يجينا أي شي يخلصنا منها، وچان يجينا چلب ما شايفين مثل راسه ولا حجمه، سمعنا صوته قبل ما نشوفه، صوت عبالك صالنصة خربانة مال تاتا، هربنا لبيوتنا ونراقب المشهد الدربوني من الشباك، … اقرأ المزيد
كل يوم نكتشف أن شلون چنا فطّر وزواج وإحنا زغار نتفرج على أفلام كارتون عبالنا هي بس مال نگضي وكت گدام التلفزيون حتى ماما وبابا ياخذون راحتهم عالسريع، لأن كانت الفترة المخصصة هي سبعطعش دقيقة تبدي ورا الحديث اللي كان يطلع بصوت غازي فيصل في الستة وثلاثطعش دقيقة، وتخلص بالستة ونص، چنا ما نتحرك من … اقرأ المزيد
بدا التقديم لبرنامج ( العراق گوت پرلمان)، إللي تديره قناة ( البنفسج ) المستقلة، وهذي القناة إعلاناتها وتمويلها كلها لمجلس إدارة مو عراقية، ومن هاي هي مستقلة حتى لا تتدخل بقراراتها وخطط برامجها أي عشيرة عراقية ولا أي توجه عراقي، ولأن أرباح هذي القناة عالية جداً فأعضاء مجلس الإدارة هم نفسهم من يوم إطلاق فكرة … اقرأ المزيد
أعلن مختار محلتنا عن حاجة المحلة لشراء كوستر، وقال في رسالة دزها على گروپ واتساپ المحلة وإللي هو الأدمن مالته : ” بسبب الظروف المحيطة بالمحلة من السيان والمزابل، قرر مختار المحلة شراء كوستر لخدمة أهل المحلة، وندعو الأطراف المعنية للإجتماع في طارمة بيت المختار” وأنهى رسالته الواتساپية هكذا: موووووووا وشفايف. إستلمنا الرسالة وعرفنا أن … اقرأ المزيد
يابة آخيراً فهمنا سالفتنا إللي چنا دايخين بيها خمسطعش سنة، وطلع الجواب بسيط جداً أبسط من العفطة. وشگد إرتاحيت بعد أخصص وكتي مو للدوخة، الدوخة ما جابت شي، راح أخلي الوكت الجاي كله للضوجة. أبد بعد ماكو سالفة الكهرباء، لأن طلع عدنا ما يعادلها، مو لازم كهرباء باب أول إذا عدنا شي يعادلها، أصلاً من … اقرأ المزيد
أبو فهيمة شال الخصاوي مالته بسبب السرطان، وطبعاً هو أبد ما گال أن عنده مشاكل بالخصوة لأن مثل هيچ سوالف تتعلق بالأمن الفراشي إللي يحرص كل فحل بالحفاظ على سريته ولا تنكشف الأسرار إلا في مناسبات محددة من تزعل أم الآنا فتگوم تعدد الثغرات الموجودة في منظومة تحت الحزام الفائقة السرية، بس إحنا رفاق الگعدة … اقرأ المزيد
