الى الناااااائبببببب اللويزي..!! هلو صديقي.. هلو كلب (لاحظوا وجود فتحة صغيرة فوق الكاف اي بمعنى قلب وليست كلمة اخرى) لك صدك مشتاقين الك (كوا..).. (من باب الميانه).. وين هالغيبة ابو اللوز.. اشو من يوم الفزت بالانتخابات وانته “سايلنت”.. ما كو كلاوات.. ما كو تصريحات.. ابشرك ترى شقتك ببيروت بعده عامرة.. ونظفناها عبالنا تسقط بهالانتخابات وتفلت بره العراق.. بس طلعت واوي عتيك.. تعرف شلون تستثمر فلوس ابو اسراء وتزور زين..
ابو اللوز.. اشو هاي الايام رجعت تسوي روحك وطني.. شنو الفلم.. البارحة اسمعك تكول ورقة الحقوق وورقة الحقوق.. ما ادري اصدكك واجذب نفسي.. لان اني اتذكر كلش زين شلون “كمزت” بين الحبال السنين الراحت.. حتى ترقيت الى رتبة “نائب عريف” في شلة سنة المالكي.. لا تدري بمعتقل بريء ولا تدري بيتيم.. ورغم انك من الموصل بس ما زرتها خلال ثمن سنين الا ست مرات.. يعني لو مخليها كل سنة مرة هم جان كلنا بالسنة حسنة.. البارحة سمعتك تكول نواب الاخوان همه سبب تضييع الحقوق.. بس العتب مو عليك.. العتب عليهم لان اولا كلش فقره لدرجة انهم ما يعرفون شلون يطلعون بالاعلام ويحجون كلمتين يردون بيها على كلاواتك.. ثانيا العتب عليهم لان قبلوا ان امثالك من رجال القنادر الصعبة يكونون ضمن ائتلاف يمثل السنة في العراق.. ثالثا العتب عليهم لان مايفضحون امثالك من المتسلقين على هموم الناس ومشاكلكهم وكل رأس مالهم جعجعة وقاط ولسان زفر..!!
