من يقرأ عنوان المقال يتصور انني ساكتب عن احد حجاج بيت الله الحرام وقصة حجه هذا العام مخطئون انتم ساتحدث لكم عن حاج أخر يدير الدولة العراقية باجمعها التي لم تعرف حاجا ورعا تقيا مثله لامن قبل ولا من بعد في بداية الامر لم اصدق ماكنت اسمعه ان الالقاب في الدوائر الرسمية قد الغيت وحل لقب الحجي بدل السيد المدير العام والعلوية مكان الست مديرة المدرسة أو مدير الدائرة الى أن تم عرض لقاء *الحجي*نوري المالكي مع الحجاج المحافظين والحاج امين بغداد ففوجئت ان السيد المالكي ينادي احد الاشخاص بلقبه العامي وهنا اقتبس *حجي نعيم تفضل كول الي عندك*ليش احنا شنو كاعدين بكهوة لو اجتماع رسمي تنقله الفضائيات ويوثق في محاضر امانة مجلس الوزراء ولكم ان تتخيلوا المحضر كله حجاج من الاول الى الاخر حتى قيمة معنوية لاجتماع من هذا النوع ضاعت ورمزية السلطة عند الجمهور صارت في الحضيض وكل قيمة لرئيس الوزراء اصبحت في مهب الريح وهي كارثة بكل المقاييس اذا كان رب البيت بالدف ناقر فكيف شيمة اهل البيت اذا كان رئيس اعلى سلطة في البلد يتعامل هكذا مع وزرائه ومدرائه العاميين فما بالك بالموظف البسيط وهذا الامر بالتاكيد يؤدي الى ضياع هيبة الدولة فمن يخاف ممن بعد اليوم اذا كان الامر كله يعتمد على الحجي الكبير الذي يبرر قصة غرق العاصمة ويعزوها الى الخصوم السياسين الذين رموا بحجر كبير وزنه 150كيلوا حتى يسقطون المالكي عن طريق اغراق العاصمة يحجينا يابعد عيني انت صارلك ثمان سنوات بالحكم وامانة بغداد عدكم بحزب الدعوة ماعرفتوا تسون مجاري براسه خير للعاصمة على الاقل عيفك من المحافظات وبعدين خلي يولن هسه عرفت اكو صخرة بالمجاري لو هو اسقاط فرض وتخريجه طلعنا بيه عبعوب حجينا عرفت انه سائق المحافظ السابق الهولندي صلاح عبد الرزاق عنده ثلاث بيوت في بغداد وفندق بكربلاء ومهندس بالمحافظة مشتري عقار بملياريين لو لا متكلي اشلون راح اتصير عدنه مجاري وبنية تحتية اذا اكو هيج بوك اني بس اريد اعرف لعد المحافظ اشكد عنده الله يستر عليكم يادولة القانون واني اكتب المقال عاجل الحجي المالكي يعين الحاج عبعوب أمينا لبغداد يعني شتحطله وتطيب ليش العراق فرغ مابيه مهندسين مابيه اساتذة جامعة ايديرون امانة بغداد بس الحاج عبعوب ليش هل استهانة بالعراقيين واهل بغداد لوالسيد المالكي عيني عينك ايكول طز بيكم ياأهل بغداد مثل ماسواهه صدام يوم عين سمير الشيخلي امينا لبغداد يعني ماعرف شنو بعد اكتب صارت بلي ملح ولله السمجة خايسه من راسه مأأدري الحجي يعرف بهذا لو لا .
