طلع وجهك مقتدى تمثل عليش ؟
گاعد تمثل عليّ دور الحمام
لا تمثل الشمس وانت اطباع ليل
فلذلك تابعك بس الينام
ليش تكتب انت مو صاحب قرار !
عمي هذا الشعب مل من الكلام
انت اكبر كتلة تظاهر عليش ؟
حاسب الوياك واطلع اعتصام
ياسفارة ؟ الساحة بيها اختي واخوي !
ساحة التحرير مرقد للسلام
ذولة ولد النامو بصف الرصيف
وما تطخ اچفوفهم مال الحرام
موش للتغريدة طلعو للعراق
وماتردهم سالفة حرگ الخيام
ذولة رفضوا كل شي بي فكرة قطيع
رفضوا افكار التلون والصدام
شعب بي مجسدة افكار المسيح
شما تكتلونة يرد الشعب قام
الثورة ما تسكت ولا توگف عليك
ولد سومر ماتوگفهم سهام …
