كل يومية نسمع وانشوف الكثير من التفجيرات في كل محافظات العراق واخص اهنا محافظة بابل المسكينة. اخواني السبب الرئيسي لهذه التفجيرات هو ان الاجهزة الامنية وخاصة الشرطة عبارة عن جهاز فاشل غير مهني يعني بين قوسين كلاوات(يابه تره بس بالعراق وكم دولة تعبانه مثلنه)…. الشرطة في العراق عموما وفي بابل خصوصا يسمى واشر يعني شنو ؟؟؟ كلشي يلفط و ما يخلي شي بحسرته.
اليوم راح انزل بهاي المقال الى مستوى الشرطة لانهم لايخدمون العراق ولا المواطن . الشرطي بالعراق همه على شغلتين اولا بطنه وثانيا ماتحت سرته بشبر…الولاء الاول و الاخير لهذني الاشياء بعدها الى جيبه وبعدها الى عائلته وبعدها للي عينه و بعدها للعشيرة لان خاف ايسوي مكسورة حتى يكفوله ويكفوله …..تريدون الصراحة تره وداعتكم ماله اي ولاء الى العراق والمواطن عند بطكاكية…. وخاصة بالحلة من واحد يريد ايصير شرطي هدفه المسدس والهوية مال منتسب حتى يصير فوك القانون بكيفة محد يندك بيه، لا والاضرب منها حاطين انضباطية مال شرطة هم يرادلهم انظباطية وتلكي نادر شرطي مضبوط سواء عسكريا ام اخلاقيا ( لا اقصد تعميم في هذا الحكم لكن النسبة الاكبر هم كما قُلت). يابه الحله كل اسبوعين او اقل بيها تفجير .. ليش؟؟؟؟ خوش سؤال …لان بكارت موبايل تكدر اتفوت الى المديرية نفسها ولو اجت ابنية حلوة يمكن حتى مدير الشرطة يطوهيا فدوة الى ……..!! اكيد اتعرفوه . الشرطة بالحله عدهم شعار (……اخت العراق الي بيه تربينه) كمقولة الحلوة جداً جداً (شهد الشمري) من نزعت قميصها بالمقطع الراقص. قبل الشرطه كانو عبيد للامريكان مثل المقولة الى اتكول ( عبيد للاجنبي على ابناء جلدتهم اسود) طلعو الامريكان شصار ( لوكيه للمسؤول وعلى المواطن وحووش)….. اول من يطك القانون (بنعال) حشاكم هم رجال الامن بكل الاصناف وخاصة الشرطة…. ما شفت يوم (بعد السقوط) شرطي التزم باشارة مرور، ولا يمشي عدل ، ولا يعرف شنو سيطرة ، اما الرونك سايد ..اويليييي…. يمكن جايين بالاعوج…. وسياراتهم المدنية وغيرها كلها مضللة بس وربكم باول طكه كلهم يطوها اللهيب(يعني اشلع وتنعاد مقولة شهودة الشمري)، بالحلة والحمد لله نص الشرطة بشارع اربعين ليش خالي؟؟؟ لان بيه خوش لكمه ….اصحاب المحلات امرهم لله ينطوهم هلمقسوم حتى ما يكطعون رزقهم وخاصة المحلات الكبيرة …. الشرطة بالحلة والحمد لله نص مراكزهم يم مدارس البنات ومعهد المعلمات (حتى يحرسوهن من الشباب الطائش بس كلبوهه للشغلة)، الشرطة بالحلة يحتمون بالبيوت وحتى الشردة بسيطة اتصير (اعبر على البيت والله وياك)، خاف عبالكم ذوله الشرطة الي يكفون لمن اتصير محاضرة دينية لحماية الناس ويمدح بيهم الشيخ ويكول خوش يشتغلون تره حصتهم موجودة بالاكل ودهن الزردوم ماكو شي لله كلش بحسابه، الشرطة بالحلة تقريبا 70% خريجي ابتدائية او مايعرف يقره …..وراتبه اقوى من المعلم (للملاحظة فقط)، وطبعا احترامه بالشارع اكثر من الطبيب الاخصائي او الاستاذ الجامعي (والله عيب)مووووووووووووووو؟؟؟ شرطة السيطرات بالحلة ما مؤدبين وخاصة اذا كان الشخص ويه عائلته …ماكو احترام للواجب وللمواطن اكيد….عندك عرف بالشرطة يعني ضابط او مسؤؤل ما اداوم بس تستلم راتب والنزاهة خلي اتروح ادور بـــــ……. انتوا كملوها.
 بدون ضبط عسكري واحترام للقانون من قبل مطبقي القانون العراق يبقى من تفجير الى اخر … وخاصة الحله وسيبقى اهالي الحلة يعانون من التفجيرات ….يجب محاسبة المخطيء والمسيء كما يجب تفعيل المحكمة العسكرية بصورة صحيحة وليست صورية.هذه الرسالة موجهة الى جميع المسؤولين في وزارة الداخلية والوزارات الامنية  …ارحموا الناس من اخطاءكم ….وكفى حماية انفسكم فقط .
ملاحظة: ارجو المعذرة لاني كتبت بالعامية واستخدمت الفاظ معينة