لم تحدد الحكومة او البرلمان، او الوزير في اي تاريخ ستوزع حصة فائض الواردات النفطية فقط سنة 2012 .. وبعد الاطلاع على هذا التاريخ اتضح انه امر صحيح تماما، لان هذا التاريخ يقصدون فيه ليس السنة الميلادية وانما ستوزع حصة للمواطنين من فائض وردات النفط سنة 2012 هجرية .. لانه لا يمكن توزيعها الان لاسباب عدة اهمها ربما ستؤثر على ايفادات السادة المسؤولين او اقاربهم اواصحابهم اوالعاملين لديهم او في مكاتبهم او خلف كواليسهم، او ربما ستؤثر على اثاث مكاتب او منازل (عفوا المنزل للفقراء اقصد فلل وقصور ) لانريد ان نرهق المسؤول او الحكومة بهذا الفائض (طبعا فاقد الشيء لايعطيه) ومن اعطى الحق لتسميته فائضا انه جاف وليس فائضا يا سادة يا مسؤولين .. او ربما سوف يؤثر هذا الفائض على عدد حمايات السادة المسؤولين، فان البعض تعلم وصار من اولوياته مشاهدة تعداد جيشه الخاص به، من حمايات تصل الى اكثر من الالف، او تعلم على تبديل سياراته المصفحة كل يوم .. الشعب كله مستاء لماذا الاصرار على توزيع هذه العائدات مادامت تؤثر على السادة المسؤولين, الشعب يريد ان يعيش المسؤول برفاهية ونعيم لا نريده ان يرى او يسمع بتصحر حياتنا، ربما بسماع هذا الخبر سيؤثر على السادة النواب حضورهم وعدم اكتمال النصاب، او بسماع هذا الخبر الصحراوي سوف يؤثر على السادة الوزراء وعملهم داخل وزارتهم والذهاب الى الخارج .. الشعب اكثر من نصه كاعد بالايجارات، وماكو فوكا سقف، وانتو تروحون اسوون صفقات سلاح ابـ 16 ونص مليار (4 روسيا+12 امريكا) وكلما واحد يسأل والله شنو تره هذا السلاح دفاعي مو هجومي .. اسويتو بينه اشوكت اتخافون الله .. تره حتى الطفل البعده ابطن امه يعرف ليش قانون العفو العام خليتو وية قانون البنى التحتية .. ولو هي يا بنى التحتية الي الواحد يحجي عنها , 612 مليار دولار ما سويتو اي شي هلمرة على 37 مليار مال الفقره هم اتريدون تاخذوها .. يله اخذوها فدوه القنادركم هذا الرقم مانريده احنه شبعانين وشايفين اهوايه ارقام انوخذت قبلها .. بس والله حرامات انتخبناكم اتقشمرنه ابشعاراتكم وكلها اسلاميات ومن هلسوالف مال حشاشة طلعت لا اسلاميات ولا هم يحزنون كلها كذب وخداع الناس وبوك .. ما بقه شي اشون حتكدرون اتخدعونا هلمرة واتخلونه ننتخبكم , هلمرة اشحسوون ولو انتو فنانين عباقرة بالتمثيل مينخاف عليكم , يوميه امبدلين جلد واحد اعفن من الثاني , اني متاكد هسه من تجي الانتخابات تطلعون مثل القائد الضرورة من نسل الرسول واتفروها علفقرة والمساكين اولد السبيل والسائلين وفي الرقاب .. والله العظيم انتو اتحجون الاخرس الولادي وين وديتونه ابـ 25 بالمئة .. بالعفية عليكم الـ25% الي راح ينتخبون بالانتخابات الجاية بس مو الكم الغيركم طبعا ..
