واحد من شيخونا الله يحفظه صعد على المنبر قبل ايام من العيد الكبير وكان موضوع خطبته تخص الاحكام الشرعية والفقهية لذبح الاضاحي بالعيد.. ومن جملة ما كاله هو لازم يكون الطلي سليم من الامراض والعاهات وسمين وقوي ويجب من تذبحه توزع لحمه على الفقراء والمحتاجين والمساكين لان يوم القيامة تصعد عليه وطب الجنة ! من جاب هاي ما ادري..الا شوية ويكول مو من مزدوجي الجنسية ومن ابوبين طليين بالولادة وحائز على تقرير طبي غير مزور..
المهم مو هذا موضوعنا حجايتنا يم الحجية ام فوزية هاي الحجية بيتها قريب من المسجد وجانت تسمع خطبة الشيخ وكلش منتبه على نصايح الشيخ ولما ما تفتهم بعض الجمل تضرب جف بجف وتصرخ من حوش البيت شبيك شيخ اليوم؟ هنه حجايتين سولفهن عدل خلي نفتهم .. كول خلصت الخطبة وطلعت الناس بس ام فوزية ظلت تاكل بنفسها شنو الطلي الي ذبحته ذاك العيد مثل ما كال الشيخ صحيح راح تصعد عليه وطب الجنة لو منفيس ينزلوها باول سيطرة ..كالت احسن شي اخابر الشيخ وافتهم منه شو لاصه عليه.. خابرت ام فوزية الشيخ وسلمت عليه وكالتله شيخ كلشي مفتهمت من الخطبة بس اصعد على الطلي وطب الجنة بس خلي اسولفلك شلون سويت الضحية وانت احكم .. اني ذبحت طلي وجان قوي اقوى من حمودي ابو المولدة منين ما تلزمه يفلت.. وقسمت لحمه ثلث اقسام قسم طبخنا وقسم حطيته بالمجمدة وقسم انطيته لبنتي فوزية ..ها شيخ اصعد عليه وطب الجنة ..وبحدة وغضب صرخ الشيخ لا ام فوزية راح تصعدين على ط….ي وتطبين الجنة !!!.
ها يابه حتى الشيخ طفرت روحه من حجي ام فوزية وطلع من طوره..شنكول احنا وي حجي ابو فوزية الي قسم الموازنة ثلث اقسام قسم طبخ للاكاله بالرئاسات الثلاث والوزراء والنواب وقسم تروح تجمد بالبنوك بحسابات الفاسدين وقسم ينطيها
لفوزية بالاحزاب والكتل تمشي بيها امورها ..ومن طيط مجلس النواب راح نعبر.عام 2016 .. سالمين.
موازنة أم فوزية
واحد من شيخونا الله يحفظه صعد على المنبر قبل ايام من العيد الكبير وكان موضوع خطبته تخص الاحكام الشرعية والفقهية لذبح الاضاحي بالعيد.. ومن جملة ما كاله هو لازم يكون الطلي سليم من الامراض والعاهات وسمين وقوي ويجب من تذبحه توزع لحمه على الفقراء والمحتاجين والمساكين لان يوم القيامة تصعد عليه وطب الجنة ! من جاب هاي ما ادري..الا شوية ويكول مو من مزدوجي الجنسية ومن ابوبين طليين بالولادة وحائز على تقرير طبي غير مزور..
المهم مو هذا موضوعنا حجايتنا يم الحجية ام فوزية هاي الحجية بيتها قريب من المسجد وجانت تسمع خطبة الشيخ وكلش منتبه على نصايح الشيخ ولما ما تفتهم بعض الجمل تضرب جف بجف وتصرخ من حوش البيت شبيك شيخ اليوم؟ هنه حجايتين سولفهن عدل خلي نفتهم .. كول خلصت الخطبة وطلعت الناس بس ام فوزية ظلت تاكل بنفسها شنو الطلي الي ذبحته ذاك العيد مثل ما كال الشيخ صحيح راح تصعد عليه وطب الجنة لو منفيس ينزلوها باول سيطرة ..كالت احسن شي اخابر الشيخ وافتهم منه شو لاصه عليه.. خابرت ام فوزية الشيخ وسلمت عليه وكالتله شيخ كلشي مفتهمت من الخطبة بس اصعد على الطلي وطب الجنة بس خلي اسولفلك شلون سويت الضحية وانت احكم .. اني ذبحت طلي وجان قوي اقوى من حمودي ابو المولدة منين ما تلزمه يفلت.. وقسمت لحمه ثلث اقسام قسم طبخنا وقسم حطيته بالمجمدة وقسم انطيته لبنتي فوزية ..ها شيخ اصعد عليه وطب الجنة ..وبحدة وغضب صرخ الشيخ لا ام فوزية راح تصعدين على ط….ي وتطبين الجنة !!!.
ها يابه حتى الشيخ طفرت روحه من حجي ام فوزية وطلع من طوره..شنكول احنا وي حجي ابو فوزية الي قسم الموازنة ثلث اقسام قسم طبخ للاكاله بالرئاسات الثلاث والوزراء والنواب وقسم تروح تجمد بالبنوك بحسابات الفاسدين وقسم ينطيها
لفوزية بالاحزاب والكتل تمشي بيها امورها ..ومن طيط مجلس النواب راح نعبر.عام 2016 .. سالمين.
