الجمعة 22 أكتوبر 2021
22 C
بغداد

نقاش بين الاستاذ مرشح الانتخابات والمواطن حجي مدهوش

حدث نقلش حاد بين حجي مدهوش والاستاذ الدكتور سعادة فلان الفلاني حول الانتخابات وكان سعادته يريد اقناع حجي مدهوش المسكينان ينتخبه ويحكي له حول الانتخابات والحالة الديمقراطية في العراق وضرورة الانتخاب والمشاركة واخيرا سأل الاستاذ المبجل حجي مدهوشقائلاً له اي حجي شگلت ؟ رد حجي مدهوش عن شنهو يا بويه ؟ قال الاستاذ شنو السالفه حجي شنو قابل ما تعرف الانتخابات ؟ رد حجيمدهوش عالاستاذ الموقو ليش انت تعرفها احسن مني يعني ،،،،فقال الاستاذ شلون يعني ؟؟؟

فقال حجي عبود هااااا خوش سؤال هذا خلي اكعد لك عدل چا يبويه وانسولف شوف ،،،،،،

هذوله الكفرة الامريكان جابولنه جيشهم وطياراتهم وطيروا صدام الي جنه انام ونفكر ونحلم هم عدلين والله يراوينه شلون يطير صدام !!!!!

اجوا الكفار طيروا وقالونه تعالوا يا شعب العراق احنه راح نجيب الكم ديمقراطية ، الحق احنه كل واحد حضر الگد لو المعجنه عبالنه مرگ لوطبيخه ،چا ما نعرف شنهي

عمي شنو هذي يا ربع ابليس قالوا راح انسوي الكم انتخابات. وهذا الانتخابات راح انتم الشعب ينتخب ناس من عدكم وبيكم يرشحون وانتمتنتخبون منهم مثلا يرشحون الف انتم تختارون منهم ٤٠٠ فهذوله ال٤٠٠ هم يصيرون حكومه تنوب عن الشعب وال٦٠٠ يصيرون معارضهومراقبين للحكومة وانتم وياهم الشعب يعني راح تصيرون ثلاث اقسام

الحكومة والمعارضه والشعب

فذا قصرت الحكومه او باگت سرقت فسدت باعت المعارضه والشعب يصير ضدهم ويسقطهم ،

زين يالكفره عمي هاي شلون يعني قالوا مثلنه اصيرون عدنا هذي هيج ايران يمكم هم انتخاب هيج والناس عايشه وحلوين قلنه والله خوشجا عمي هذوله الحكومه خاف هم يلطشون بالكرسي قالوا لا ماكو هيج كل اربع سنوات يصير انتخابات ويتغيرون تروح ناس وتجي ناس

قلنه والله خوش شغله هذوله الكفار جابولنه شي حلو چنه بي عداله شو هذا ،،

اجينه العراقيين سوينه انتخابات وانتخبنه وصرنه بعد الانتخابات ستة اشهر سنه نتعارك الماليه المن والنفط حصت من والدفاع المن الداخليةمالت من؟

والكردي يقول شحدة الي يقرب يمها كاكه هزي مال اكراد هي وشكم سفاره وشكم وزاره هذا تعويضات مال زمان

والشيعي يقول رئاسة الوزراء مالتنه وما ننطيها للموت صك مصدق الكرسي نطلب بي كمبيالات من عمر شعيط

والسني يقول هذا رئاسة البرلمان مالتنه وشحده اليدنه ليه موزين من قبلنه انتم تاخذون الدوله الي هي ورثناها من حمورابي ؟

وتعرف حجي وصياح وروح وتعال وروح وكوم وكعد وجانت دوخه ومحد منتبه ، من ٢٠٠٣ لليوم ، شويه صحينه لن احنه صحيح ننتخب مثلما كالوا الكفار ، بس احنه فصلنها على مقاساتنه وسوينه شي جديد الي هو

الاكراد يشاركون بالانتخابات حتى يختارون مرشحهم لرئاسة الجمهوريه وجم وزاره وجم سفاره

والشيعه ينخبون مرشحهم لرئاسة الوزراء مع جم وزاره وجم سفارة

السنه ينتخبون حتى يختارون مرشحهم لرئاسة البرلمان وياخذون هم جم وزاره و جم سفره ،

يعني يا استاذنا العزيز يا دكتورنا الحبيب الانتخابات الديمقراطية بالعراق صارت مفصله صحيح ننتخب بنفس اليوم وبنفس الوقت بسالنتيحه وحده تريد ماي هاك ماي تريد لبن هاك ماي يبويه

ننتخب ما ننتخب الرئيس كردي

ورئيس الوزراء شيعي

ورئيس البرلمان سني

صح استاذنا العزيز ؟

قاله اي حجي مدهوش كلامك صح بس مو دقيق

قاله طيب استاذ يعني اذا انتخبنا يتغير هذا قال له لا حجي ما يتغير بس يعني احنه الشيعه راح ناخذ رئاسة الحكومه بقوه يعني ونشكلحكومه ،

قال حجي مدهوش استاذ يصير نفرها مثل ربك مره شتاء ومره صيف لو تبقى كلها هيج جره وحده؟؟

قاله شنو تقصد قاله ما اقصد غير سلامتك استاذ وزع فلوس للمهاويل والشعب ينتخبكم انشالله بس چا مو قلت لك من الاول انت ما تعرفهااحسن مني بس لا تنسىون تعلمون الزعاطيط بالمدرسة معنى الوطنية من تنطفي المولده …..

المزيد من مقالات الكاتب

تواصل معنا

450,712معجبيناعجاب
738متابعينتابع
1,900المشتركينالاشتراك
- اعلان -

أحدث مقالات ساحة الرأي

https://staging.kitabat.com/demo/wp-content/uploads/2017/06/kitabat-logo-1.png

كيف يحمي الشيعة انفسهم ؟

قبل الجواب على السؤال علينا ان نسال من هم اعداء الشيعة ؟ هل هو الحاكم ، ام المنظمات الارهابية ، ام الامم المتحدة ومن...
https://staging.kitabat.com/demo/wp-content/uploads/2017/06/kitabat-logo-1.png

الى أنظار السادة في البنك المركزي العراقي

في مبادرة إنسانية رائعة أطلق البنك المركزي العراقي سلفة مالية لموظفيه لتمكينهم من شراء دار سكن لهم . وهذه مبادرة رائعة يشكر عليها القائمون...

وعي الجماهير بين مشروعين دويلة الحشد الشعبي وشبح الدولة القومية

(إلى الأمام نحو انتفاضة أخرى) لقد نجحت العملية ولكن المريض مات، هذه الجملة أقل ما يمكن أن توصف بها الانتخابات، التي طبلت وزمرت لها حكومة...

لا يرحمون ولا يريدون رحمة الله تنزل!

لعلك سمعت بالعبارة الشائعة التي تقول "تمسكن حتى تمكن!" والتي تطلق عادة على الشخص المنافق الذي يصطنع الطيبة والبراءة حتى يصل الى هدفه ثم...
https://staging.kitabat.com/demo/wp-content/uploads/2017/06/kitabat-logo-1.png

العراق..والعودة لعهود الإنقلاب!!

الإنقلابات هي السمة الغالبة على حياة العراقيين منذ أن بزغ فجر البشرية ، ويجد فيها الكثير من ساسة العراق ومن دخلوا عالمها الان ،...

معضلة رئيسي

لاتزال وسائل الاعلام العالمية تتابع وعن کثب موضوع دور الرئيس الايراني ابراهيم رئيسي في مجزرة عام 1988، والمطالبات الاممية المتزايدة بمحاکمته أمام المحکمة الجنائية...