الثلاثاء 24 مايو 2022
33 C
بغداد

حار ومكسب ورخيص

صديقي گال لشوكت نبقى هيج؟
گتله شنو تقصد ؟
گال الشباب باقين بدون فرصة عمل, وما يعرفون شنو يسون بدنياهم, الي هاجروا نزلوا, وإذا بقوا ابلدهم لو يموتون جوع, لو يموتون بطلقة طائشة, لو ينصكون, يعني الموت وراهم وراهم.
گتله انت شنو تشوف الشباب ما يتحملون جزء من الي هما بي؟
گال بالله شلون يا الفيلسوف؟
گتلة الشاب العراقي تعود يتذمر, ويريد كل شي يوصلة بدون ما يقدم جهد, يعني بأختصار يريد واقعة يتغير وهو گاعد بمكانه.
گال اي حقك تحچي هيچ, لان جنابك موظف وشبعان, تعال شوف الشباب الله وكيلك الف ما بجيبة!
گتله ليش ما بجيبه ألف ؟
گال غير الاحزاب الفاسدة هي الي مسيطرة على الدولة.
گتله اذا انت تعرف المرض ليش ما تعالجه, بدل ما باقي تذمر وتشتكي اربعة وعشرين ساعة.
گال شلون اعالجه واذا بس تفتح حلگگ احسب الطلقة براسك, وكلنا شفنه شنو صار من طلعوا الشباب تظاهرات على الحكومة السابقة, وشلون دمهم ضاع.
ثاني شي, منو يگدر لهاي الاحزاب الى كل واحد من عدهم عنده فريق مال صكاكة بس تختلف ويا مستعد يقتلك بالشارع وگدام العالم.
كتله مو الة بالتظاهرات والقوة, اكو طرق اخرى تگدر تحاسبهم وتقضي عليهم.
گال شنو بالله؟ لا تگلي انتخابات, لان الجماعة متفاهمين بيناتهم ولو تنتخب نبي لو يصير وياهم لو ما يفوز بسبب التزوير.
گتله انت انتخبت سابقا؟
گال انتخبت مرتين, والمرة الاخيرة ما انتخبت, ولا راح انتخب بعد.
گتلة انتخبت منو في المرات السابقة, وليش ما تنتخب بعد؟
كال انتخبت القائمة الفلانية مرة وما سوولي شي, وانتخبت شيخ العشيرة مرة وهم ما سوالي شي.
گتله ليش انتخبت القائمة الفلانية، وشيخ العشيرة؟
گال غير كالوا نصرة المذهب بالمرة الاولى، والثانية كالوا إذا فاز الشيخ راح ينفعنة .
گتله يعني انت انتخبتهم مو لان نزيهين وكفوئين؟
گال الله وكيلك لا شايفهم ولا اعرفهم !
گتله معناها المشكلة عندك مو بالانتخابات, ومن اكلك انتم الشباب تردونة حار ومكسب ورخيص ما تقبل عليه.
گال شلون يعني؟
گتله يعني جنابك ما تريد تبحث عن المرشح الكفوء ولا القائمة الجيدة, وتنتظر يجي واحد يكلك انتخب فلان, تنتخبة بدون ما تعرفه, واذا طلع حرامي لو صكاك گلت المشكلة بالانتخابات وكلهم حرامية.
گال يعني اذا انتخبنه راح يصير العراق جنه ؟
گتله اكيد اذا انت وانا وكل العراقيين تعبوا رواحهم وبحثوا عن الشخص النزيه والقائمة الي تريد تبني الدولة فعلا ومكنوهم اكيد قوى الدولة راح تنتصر وقوى اللادولة راح تضمحل وتندثر, واذا كانت موجودة راح يكون دورها جدا ضعيف وتنتهي مع الوقت.
گال يعني حسب رايك انتخب اي قائمة؟
گتله هم رجعنه نريد واحد يگلنه انتخبوا فلان وعوفوا فلان, عزيزي انتخب القائمة الي تريد تبني الدولة, واختار الشخص النزيه فقط وفقط ولا تنتظر أي شخص يگلك انتخب فلان, لان احتمال يخدعك.

المزيد من مقالات الكاتب

السمكة والماء

الابن الاوسط

حار ومكسب ورخيص

إذا فاتك الزاد..

مومس

ترك الرد

من فضلك ادخل تعليقك
من فضلك ادخل اسمك هنا

تواصل معنا

450,712معجبيناعجاب
862متابعينتابع
1,900المشتركينالاشتراك
- اعلان -

أحدث مقالات ساحة الرأي

https://kitabat.com/wp-content/uploads/2017/06/kitabat-logo-1.png

كتاب اصوات من التاريخ

بسم الله، ارحل صدرت مؤخرا الطبعة الجديدة من كتاب مثير بعنوان (أصوات من التاريخ) للكاتب البريطاني سايمون سيباغ وتم نشر الكتاب أصلا عام 2005 محققا...
https://kitabat.com/wp-content/uploads/2017/06/kitabat-logo-1.png

عطلة للنساء بالدورة الشهرية

بين فترة زمنية وأخرى نقرأ أو نسمع عن قرار مهم في دولة ما قد يتعلق بالإقتصاد أو المجتمع، فبعد تأمين اسكتلندا مستلزمات الحيض مجاناً...
https://kitabat.com/wp-content/uploads/2017/06/kitabat-logo-1.png

تفسيراتٌ ما لزيارة ” قرداحي ” الى العراق

كان قد جرى الإعلان عن زيارة السيد جورج قرداحي الى العراق منذ نحوِ اسبوع , بغية زيارة معرض بغداد الدولي للكتاب , وكان الأمر...

مبادرة ثوار تشرين والقوى الوطنية المتحالفة معها

ايها الشعب العراقي العظيم, الأخوة والاخوات في الوقت الذي يتفق فيه الجميع على انّ العملية السياسة في العراق قد وصلت فيه الى طريقب مسدود , والى...

ما بين الانتفاضة في ايران والانتخابات في العراق ولبنان خيوط تنقطع

الانتفاضة الان في ايران ليست الاولى من نوعها فقد سبقتها انتفاضات عديدة اكد فيها الشعب الايراني رفضه حكم الملالي في طهران وهذا حق طبيعي...

مؤشرات ومعطيات لحقائق الموقف

حدثني صديق، عمل في الستينات وزيراً في أكثر من حكومة عراقية واحدة، أنه ذهب للولايات المتحدة للدراسة بعد حل الوزارة التي كان عضواً فيها،...