الجمعة 07 آب/أغسطس 2020

التقشف لعامين

الخميس 25 حزيران/يونيو 2020
عدد القراءات: التعليقات
طباعة

التقشف لعامين
الكاتب مهدي عبدالله التميمي
• رحمة الله على روحك “خَلف”*
چان كل سالفة يردد وراها
“چا هيه شنهي مضمومة”
ولم يعد خافٍ يا خلف، وأغلب الظن بالمخبوء
وأي ظنٍ يا خلف؟؟ والمخبوء صار توقعا،
والتوقع اصبح ماثلا، كأن الذاكرة تستدعي ماتعافه.
وكل ما أتوجسه يصير واقعا
وما أخافه يطل عليّ برأسه
كل شيء ينحسر، إلا جذوة
زنادك… اللي احرگت بي دهور من عمرك
تورّث بي جكايرك المضمومة بچيس التتن.
تلف “البافرة”باصابيعك وتختمها بشفافك
إيه ( أيام المزبّن گضن
تگضن يأيام اللف)**
وتطلق تنهيدة مع اول نفس
” بلابوش دنيه”
• وزير المالية يطالبنا بالاستعداد ( للتقشف لعامين).
• عامان لا أدري أعجاف هما..لكن الذي أدريه انها ستؤدي الى انهيار خطوطنا الدفاعية وضياع الوسط وتيه الهجوم، بهجمة مرتدة على كل مراكز القوة.
• وكأني ب” خلف” يحاورني
بويه… كلشي جايز
آنه أشوف من تموز هاذ لتموز الجاي
چثير يروح وچثير اليجي
خايب الرگعة زغيرة والشگ چبير
بلابوش تغشف
بلابوش معاش
چا هي مضمومة..
•< مدري عليمن جبناها> ها ….ع التغشف
………………………………
* شخصية في رواية شمران الياسري (رباعية ابو گاطع).
** بيت شعر للكبير ” مظفر النواب”




الكلمات المفتاحية
التقشف لعامين

الانتقال السريع

النشرة البريدية