الأربعاء 18 مايو 2022
31 C
بغداد

بالجلفي كلش السالفة الاولى

يا جماعة الخير اكو شي مو طبيعي ولا هو عدل، لو عندي لو عند بعض الناس. اكو شي غريب بالموضوع مدا افتهمه، شو اسرائيل تضرب والناس تلوم بس ايران ولا واحد يجيب طاري اسرائيل ولو من باب جبر الخواطر والمجاملة.

وطبعا ماكو واحد يگول على روحه غلط حتى المخبل يگول اني عاقل، واني مو وحد من هذي العالم، ولذلك اريد اسولف لكم كل السالفة وانتم الحكم والفريضة، واحكمكم بضميركم مو برايكم السياسي ولا الطائفي ولا الحزبي ولا الديني ولا بكيف السيد القائد والزعيم الاوحد ولا الصنم الاكبر.

بس من الاول اللي يخاف من الحكومة اللي فوگ راسه رجاء وبدون زحمة ولا زعل، لا يحچي، لان كلامه حتى لو صح فهو جاي يسولف نص السالفة والنص الثاني ضامه علينا والصدگ ما يتقسم وبالمحکمة من واحد یرید یشهد یگول اقول الحق کله مو نصه.

خلي نبدي من البداية حتى لا نخربط السالفة،وكل يوم سالفة.

هسة اذا گلنا ايران دولة مو ديمقراطية ویحكموها ملالي ورجال دين والسفور ممنوع والحجاب مفروض خو ما نورنا المحكمة، بس اذا قلنا الدول العربية من المحيط للخليج كلها ترة اطگع من ايران وخصوصا دول الخليج خو مو چذب وللانصاف بس العراق ولبنان بيها ديمقراطية بس احچي لعگب باجر منو يگلبك والصدگ وبلايه زعل بيها فوضى مو ديمقراطية.

زين شعجب واحد يضوج من حكم الملالي وطاگة روحه منهم ومربيله علة بس هذا هو نفسه مو غيره ما يضوج لا من حكم الملوك ولا من الشيوخ؟ لا مو بس ما يضوج النوب يسويلك حكمهم جنة ويگول لك: خايب اسكت شفايتلنا لو نصير مثلهم ونرتاح. لا ويگول لك عمي شبيكم انتم ما تفتهمون خلي نتصالح وي اسرائيل وامريكا ونبطل قوانة فلسطين، وشوف شلون نصير مو هذه گدامك الخليج مو على اساس اني اعمى وما شايف الخليج شبيه.

بروح ابوك شلون ترتاح هسة اني وانت عراقيين خلي نسب ايران باليوم خمس مرات مثل فرض الصلاة وما نخلي احد بالحكومة من راسها لساسها لا نخلي مرشد ولا رئيس جمهورية ولا اي ملا على حاله ونشوف نقدر نروح لايران ونطب بيها ونزور وتتونس ونرجع سلامات لولا؟

وروح سوي اقامة بايران واكتب عليهم بالفيسبوك من هناك. من طهران اريدك تحچي عليهم شوف نفسك تقدر لو لا؟ وهسة اريد من اي عراقي يقول خلي نرتاح مثلهم ادعوه دعوة يروح لوحدة من دول الخليج وخلي نقول قطر لان صايرة صداقة وي ايران حتى ما اضوج احد. اگول اريده هذا نفسه يروح لقطر، مو يحجي على الامير، لا بوية، ما اريد اطب بخطية الرجال. اريده يروح يتونس بالدوحة وياخذ تراي على كاس العالم وبدربه يسأل اي مقيم عراقي هناك من باب الميانة العراقية ويگول له: بداعت جهالك تگدر تكتب نص سطر على شيخ تمیم؟

واذا ما تصدگون بهذه السالفة خلي نروح لغيرها، بايران كم مظاهرة طلعت ضد الحكومة الظالمة وضد سياسة الملالي بالتفرد بالسلطة وتكميم الافواه خو هواي، والمظاهرات مو خمس ست نفرات لا يابة بالآلاف حتى الشرقية وگفت كل البرامج وما خلت عركة بايران ما شفناها. اكو ناس انسجنوا واكو چم واحد انكتلوا واكو آلاف منهم عايشة ما بيها شي تروح وتجي وبعدها حاقدة وتدردم على الحكومة. هسة اريد اروح لهذه الدول اللي الجماعة يريدونا نصير مثلها لو صرنا بحضن ماما امريكا وبطلنا نحارب اسرائيل وصرنا وياهم دهن ودبس. انتم هم سمعتم فد يوم طلعت مظاهرة بيها اكو واحد فك حلگه، لو سكتة يم حسن. لو هم كم مدون صعدت الحماوة عندهم وراد يكتبون مثل خلگ الله وراحوا ناموا بالقلغ وذولاك يسمعون صوتك والله يجوز حتى ما يسمعون الصوت ليش واحد يچذب؟ بس الصدگ اكو واحد منهم خلص من السجن، خو مو ناسين ذاك العريس اللي طلع برة وگام یحچي عليهم على اساس مثقف ويدور اصلاحات وتاليها صار شيش طاووق.

هسة اليوم لهنا واوگف. يا جماعة الخير الله وكيلكم محمد كفيلكم ما نريد نصير مثل ايران، نريد نصير احسن منها وبقاطات، بس معقولة الجماعة هلگد ضايجين من ايران ويريدونا نصير وي اسرائيل حتى يصير براسنا خير ويحكمنا بدل الملا منشار.

اودعناكم، السوالف هواي وانتظرونا على الفرغات.

المزيد من مقالات الكاتب

ترك الرد

من فضلك ادخل تعليقك
من فضلك ادخل اسمك هنا

تواصل معنا

450,712معجبيناعجاب
856متابعينتابع
1,900المشتركينالاشتراك
- اعلان -

أحدث مقالات ساحة الرأي

القاعة الدستورية واليات حل الازمة/ 2

الحاكم والمحكوم هما طرفا معادلة السياسة، وهذان الطرفان هما الاحزاب والشعب، وبترجمة هذا الواقع على تجربتنا الديمقراطية، نجد مسلسل خسائر طالت الطرف الثاني جراء...
https://kitabat.com/wp-content/uploads/2017/06/kitabat-logo-1.png

خطابُ الصدر..إنسدادٌ أم إنفراجٌ…!!

فاجأ السيد مقتدى الصدر، العراقيين والرأي العام، بخطاب، أقل مايقال عنه أنه ،هجوم غير مسبوق على الإطار التنسيقي، الذي وصف عناده وتصرفه (بالوقاحة)،بعد أن...
https://kitabat.com/wp-content/uploads/2017/06/kitabat-logo-1.png

الانسداد بين الطريق الى ليلة السكاكين الطويلة وتوازن الرعب

(( .ذالك الذي يقتل الملك وذالك الذي يموت من اجلة كلاهما عابد أصنام ))برناردشو 0(( .الحرية تعني المسؤولية وهذا هو علة الخوف الذي يبدية معظم...
https://kitabat.com/wp-content/uploads/2017/06/kitabat-logo-1.png

قوانين السياسة كقوانين الحياة لا يتنبأ بها احد إلا بالتجربة!

عندما اضطرت روسيا لغزو اوكرانيا , كانت دول الناتو بقيادة واشنطن قبل ذلك تبحث عن اراذل ومناكيد واصاغر ليكونوا بدائل لسياسيين اوكرانيين لتصنع منهم...
https://kitabat.com/wp-content/uploads/2017/06/kitabat-logo-1.png

الانسداد السياسي وتضوع المواطن

ضياع فرصة ببناء دولة كان هو الثابت الوحيد في سلوك السياسيين في العراق منذ سقوط نظام البعث في عام 2003 ذلك النظام الدكتاتوري الاستبدادي، ولا...
https://kitabat.com/wp-content/uploads/2017/06/kitabat-logo-1.png

تصحر العقول وغبار المسؤول

يقول المثل الشعبي ( ناس تأكل دجاج وناس تتلكًه العجاج)، ويضرب للإختلاف بين الناس، ومنهم من يعيش الرفاهية على حساب شقاء الآخر، وأحياناً يُقال...