الأربعاء 18 أيلول/سبتمبر 2019

رساله كهربائية

السبت 17 آب/أغسطس 2019
عدد القراءات: التعليقات
حفظ طباعة

السيد وزير الكهربه
والله صرنا منصبه
ياهو اليجينا نطالبه
ويشيل هاي المصطبه
وتاليها نبقه اعلى الجمر
لشة اعلى نار مكصبة
السيد وزير الكهربه
كلنا شنهي الي جرى
كلتنا باجر ياشعب
باجر تجيك معتبره
لابيه من يكطع ضوه
ولابعد روح معذبه
عشين ساعة من الصبح
باجر تجيك الطاقة
اشعل سبالت للصبح
هي الك مشتاقة
وتايها كل خمسة ترفك
الضوة بيها يعتلك
ومااعرفنة جذبه امن الصدك
وا اعرفنه منه قاقا
السيد وزير الكهربه
مرجوحة احنا بالوطن
لو احنا صوره مجرجبه
ماندري اليمته بعد
نبقى نظل نعاتبه
ماادري شنهي المشكله
بس احنا من كل الخلك
وايرنا واير مهزله
واجماله بس ندفع اله
واير شكف
واير لكف
واير ابو المولدة
اصرف ملاينك شمر
يوميه خطة اعلى الفكر
لو هوست حتى الفجر
محد ايسمعك ياشعب
وابقى اعلى قهرك وانتظر
اسف اخي صاير خلل
وخصصنا الكم دائرة
بيها موظف من ورق
مابيدة لاربط ولا حل
بس هو يطيب خاطر
الي اشتكى والي زعل
السيد وزير الكهربه
والله صرنا منصبه




الكلمات المفتاحية
الصبح الصدك رساله كهربائية

الانتقال السريع

النشرة البريدية

تعليقات فيس بوك

تنويه لابد منه: ايماناً منا بحق القارئ فى التعليق على الاخبار و المشاركة الفعالة بعرض وجهات النظر المختلفة، فقد اضفنا خدمة التعليقات بواسطة حسابك على الفيسبوك.

التعليقات المنشورة لا تعبر بالضرورة عن رأى ادارة الموقع و يتحمل كتاب التعليقات المسئولية الاخلاقية عن محتوى تعليقاتهم.