الخميس 22 آب/أغسطس 2019

شوكت تنقرضون

الاثنين 22 نيسان/أبريل 2019
عدد القراءات: التعليقات
حفظ طباعة

اكو رجال بزمن اهلنه الطيبين، كان مزواج، وعلى ابسط سبب يطلك زوجته ويتزوج وحده ثانية، لدرجة صار من يخطب محد ينطي مرة، لان اهلهه وهي يعرفون راح تطلك بتهم بعد كم شهر اذا مو ايام
ليش ما فد يوم تقدم لبنت الشيخ وخطبها، الشيخ ما قبل، لكن البنت وافقت وگالت انه اتزوجة، الابو ولچ يطلگج، على ابسط سبب، گالت انه موافقة
المهم تزوجهه، وبعد كم يوم اجاها وجايبلهه سمچة، وكلهه حضري روحچ ليوم عندي خطار يتغده عندي
لبنية گالت ابشر ابن عمي
فعلا اجه الخطار، وصار وكت الغده،گلهه سويتي السمچة؟
جاوبته بلي
گلهه زين يالله وين سمچ الگلي
گلتله اي هذا الگلي (مگليتله وصله)
گلهه زين وين الشوي
گلتله تفضل هذا الشوي شاويتله وصله)
گلهه زين وين المرگ ؟
گلتله تفضل هذا المرگ ( مسوية وصله مرگ)
نحرج ما بقى عنده عذر
باوع منا باوع منا
گلهه زين وين الخرة؟
وخرت الحصيرة وگلتله تفضل هذا الخرة ( ضامته اله جوه الحصير)
گلهه بعد ما اطلگج وانت لراح تبقين وياي

هسه جبناها عن حكومة عبد المهدي وبعض الطبول
الرجال سوالهم مثل بنت الشيخ
سوه اتفاقية مع الاردن گالوا جماعة ايران گالوا ليش ما يسوي مع ايران
گلهم يابه هي الاتفاقية مع ايران
طفروا جماعة السعودية
ليش ما يسوي اتفاقية مع السعودية
گلهم تفضلوا هي الاتفاقية مع السعودية، وحتى لبيت الله دخلونه
جماعته الفتنه نحرجوا شنو عدهم ما بقى اجلكم الله غير الخرة
گالوا ليش ما يسوي اتفاقية مع بشار مثل ما سوى مع السعودية والاردن وايران؟
او شلون ابو السعودية گال عبد الهادي مو عبد المهدي!!!
اخوان زمن العنتريات انتهى، لو تعيشون بالعراق الي جاي ينبني، مثل ما يريد العراقيين
لو تتفضلون ترحون لهوليود، وهناك مثلوا افلام الاكشن مالتكم
تعبتونه الله ياخذكم




الكلمات المفتاحية
اهلنه الطيبين شوكت تنقرضون

الانتقال السريع

النشرة البريدية

تعليقات فيس بوك

تنويه لابد منه: ايماناً منا بحق القارئ فى التعليق على الاخبار و المشاركة الفعالة بعرض وجهات النظر المختلفة، فقد اضفنا خدمة التعليقات بواسطة حسابك على الفيسبوك.

التعليقات المنشورة لا تعبر بالضرورة عن رأى ادارة الموقع و يتحمل كتاب التعليقات المسئولية الاخلاقية عن محتوى تعليقاتهم.