الأحد 22 تشرين أول/أكتوبر 2017

ملكة الجمال … وجمال (الزبال)

الثلاثاء 22 آب/أغسطس 2017
عدد القراءات: التعليقات
حفظ طباعة

اكو بواقعنا (قضيتان متضادتان) .. واحد يشتغل ويقدم خدمة للمجتمع.. والتقشف فوك راسه.. واكو عطال بطال والدولة توسع عليه..
اقصد (الزبال) اللي يشيل زبالتنه.. ودايخ بروحه.. ما عنده (مكناسة).. ويروح يدبر (سعفة) يكنس بيها العاصمة .. ام المليارات.. بس هذا (الزبال) الشريف يشتغل بعقد 120 الف بالشهر.. وبس عليه يفتر التقشف..
ومن جهة اخرى … عدنه (زبالة) تحكم وتاخذ امتيازات (خرافية).. وتصرف اموال على عمليات (الجمال).. عطالين بطالين .. بس قاط وربطه… وحماية وسكرتير… لا.. بعد وياه (مصور)..! وتصريحاتهم الطائفية والعنصرية.. من افواههم النتنة..
هاي المعادلة.. اللي يرادله (كنس).. حتى تتغير .. ويصير الزبال هو ملك (الجمال).. لانه هو الذي يصنع جمال العاصمة والمحافظات.. وليس اولئك السراق الذين جعلوا من انفسهم ملوك (الجمال).. وهم لم يقدموا اية خدمة للمجتمع… بل هم مصدر للـ (زبالة)..
الفرق بين (الزبال) و (ملكة) او ملك الجمال… ان الاول (الزبال) يقدم لنا خدمة حقيقية واكيدة .. لا نستغنى عنها… لكن الدولة لم تقدم له حقه.. او ما يستحقه…
اما (الاخر) اللي شايف نفسه.. فقد ميز نفسه.. ليقول لنا: انا افضل منكم.. وهم لم ولن يقدم لنا اية خدمة.. وليس له اية مؤهلات صنعها بجهده وعرق جبينه..
سفرات.. ونثريات.. وعمليات تجميل لوجوهكم القبيحة من فسادها.. اغلبكم شهاداته (كلك) من دول الجوار.. أو.. كمل دراسته باستخدام المنصب ..
تشرعون قوانين (زبالة).. تقشفكم على خدمات الشعب (بس).. وعلى اللي يشتغلون.. وعلى عمال العقود تفترون…..
لو تقشفكم على تقاعد (الاساتذة) اللي درسوا عشرات السنين..
لو على اهل الرعاية الاجتماعية اللي كاتلهم (الضيم)..
زبدة الكلام… ليش يا رئيس الوزراء ما تخلي (ملكة الجمال) توفر للزبال مكناسة..؟
او.. ليش ما تلزم (جنابك) مكناسة… وتنزل تكنس .. فد يوم بالاسبوع.. حتى تخلي (الاخواندات) و (الباشوات) اللي بالمنطقة الغبراء يعملون (فد) يوم بالاسبوع..مقابل ما ياخذوه من ملايين بعنوان (درجة خايسة) ..
صير قدوة ..فدوة ☺.. وساعد في تنظيف بغداد اللي صارت عاصمة (الزبالة).. ماديا… وسياسيا..
واذا تكوول مووو هذا شغلي…
لعد.. اكنس الزبالة اللي يمك…
هم هذا مووو شغلك…؟
تره.. طكت روح الشعب منكم .. وان شاء الله تاليها (شلع قلع)..
للزبالة وحاميها




الكلمات المفتاحية
المجتمع روح الشعب ملكة الجمال

الانتقال السريع

النشرة البريدية

تعليقات فيس بوك

تنويه لابد منه: ايماناً منا بحق القارئ فى التعليق على الاخبار و المشاركة الفعالة بعرض وجهات النظر المختلفة، فقد اضفنا خدمة التعليقات بواسطة حسابك على الفيسبوك.

التعليقات المنشورة لا تعبر بالضرورة عن رأى ادارة الموقع و يتحمل كتاب التعليقات المسئولية الاخلاقية عن محتوى تعليقاتهم.

296c263084f0a16bdc432ed2b93d869d________________