تروحون ألف فدوه لتشافيز..خايبين والله ما توصلون حد ظفر من أظافره..جاه وينه ملك الموت ..أشو أيروح عالطيبين عالخوش أوادم ويخلي ألمايسون باره عايشه وتلغف ..جاه شمالك يا عزرايين أي مو ذوله كدامك ..شنو عميت لو هم متفقين وياك بالنص ..لو حسن السنيد لو علي العلاك لو سوات أيمنعوك توصل يمهم ..همه جم مكموع سابينه سباية الله ..صدكوني بس نص ساعه كلهم ينحطون بجيس مال زباله وينشمرون بره الحدود لان وصخ ومكانهم بره بلدنه ..أتشوف زلمهم أدكول منذوله اللي يفترون بالشوارع وكل واحد حاط بحزامه سجينه أم اليايوماله الناس منهم..ونسوانهم أيلعبن بالقندره جقه شبر أدكول كره يد ..صدك ناقصات عقل ودين وتربيه ..ويمكن نقره بعد جم يوم أكو نزال بين الرفيق علي الشلاه وجواد الشهيلي بنادي الشعله ..لو أنشوف اللاعبات عاليه نصيف وحنان الفتلاوي ومها الدوري بتصفيات شمر القنادر..أعوذ بالله من هيج مله ..ليش يا ربي ..هاي قسمتنه ليش عوجه ..أتوبه على مد الله أنجان أنروح وننتخب صخل لو صخله بيهم ..بالبدايه شلون يجوك كله عالخفيف وبشفافيه ونزاكه.. لك عيني فدوه أروحلكم بس أنتخبوني ..يا معودين أني مو مثل ذوله الجرابيع ..أني راح أسويلكم مدارس ومستشفيات وأزرعلكم أبيوتكم شتلات ورد وراح نعمر بلدنه ..وراح أحطلكم بالبيوت بس الوطنيه وتخلصون من المولدات ..وأخليكم تمشون من البصره للنجف سياحي ..وأخلي صور أبو حنيفه بالكيات وعلى كل جيس زبل..كولو تقشمرنه ..أشو أبو الشباب بس طلعت النتائج وفاز وهيه هاي الروحه .. منشوفه ألا بالتلفزيون وبالجرايد وكله معلك..ها خويه جاه وين الشتلات مو شوارعنه صارت الزباله بيها عنوان ..واحد أيكلك وين بيت أياد الزاملي بدون زحمه, أي بسيطه عيني وين ذيج الزباله المكومه عاليسره أول بيت ..لو تسأل وين مؤسسة كتابات أيكلك شايف ذيج التله مال الزباله بابها أتصير مقابل المستنقع..
يا عراقيين يا عالم والله تعبنه.. بلد بيه خيرات وشعبه ماكو أطيب منه..ذوله القشامر السحيوات أيضحكون علينه ويسونه مسخره.. ويريدونه مره ثالثه ننلدغ من نفس الجحر وبنفس الاصابع اللي فاتت بجحرنه .. هذا معناه أذا جانت أصابعهم كبل ,هالمره أيدهم أتخش بجحرنه..ونصيرمكفخه واللي مرضى بجزه رضى بجزه وخروف..خلونه بالجزه هوايه أحسن..وهسه سعر خروف صعطوط بتلثميه ألف والموازنه كلها تروح..
هاي الهوسه كلها خلقتها تصرفات أبو سراوي الطائفيه والمزعطه اللي جابهم من سوك الغزل..ثبت أبو سراوي وبشكل ميقبل الشك أنو هاي الشغله متفيده ومو كدها هاي يرادلها شخص وطني عنده خبره بالسياسه مو كوتره يجي من جنبر أيبيع محابس أبسطيه بسوك الحميديه الى ريس وزراء العراق..الشغل مو بيع يا أبو سراوي..بس العيب من متعرف شلون أدير بلد بيه هوايه طوائف ومذاهب وقوميات..وكل متطلع بالتلفزيون تلقي كلمه عبالك واحد كاتبلكياها لان فعلك شكل وكلامك أشكال..يعني مثل واحد عنده أنفصام بشخصيته..وطلعت بس حجي ..وحتى عنترياتك طلعت كلها بوش مثل اللي جابكم ولبسكم قاط وربطه وكال يالله سوكو عالشعب واللي أيجيب نقاط هوايه راح أخليه بولايه..ومن ولايه الى ولايه أخرى أكو شعب ضاك الامرين يا أبو سراوي..
وما خفي كان أعظم
