كلية التربية لو مطعم تاجران
كلية ولائم و الشعب جوعان
و اللي ميشارك بالوليمة يضل ندمان
و مصيره الابعاد لحي (ابن يقظان)
(ابن رشد) مشهورة بالولائم و حياة النبي العدنان
يا قيم يا مبادئ يبني يا بطران
و اللي ما يحب قيادته دومه يضل خسران
خطته بالاقصاء و التهميش معروفة
كلية تربية لو سجن بعسقلان
بوابة وحدة للبشر و الجرذان
و خطة السياج و الحدائق و الكهرباء بالنهب مكشوفة
ولكم الشعب مات و انتم تكرشون
سمك مسكوف و خبز عروك تلوجون
و بالانكليزي المكسر كمتم ترطنون
و باسم الحشد للفلوس تجمعون
و بحضرة السيد و السمج تعمى الضمائر و العيون
المهم و الاهم لبطونكم تترسون
و لصوركم الحلوة بالممرات تعلكون
حتى لنرجسيتكم ترضون
و لو يدري ابن رشد لاسمه تبوكون
جان لعن فلسفته اللي بيه كلشي ما تعرفون
يا طلاب يا كلية فليسقط القانون
ما دام احنه قطط نكلب ويَّ اليكلبون
للزيتوني حتى ثمانية نيسان تلبسون
و بتسعه نيسان بالمحابس كمتم تكثرون
و يومية لعشيرة تنتسبون
ويَّ القوي جرش تذبون
للفاشل و المنافق دوم و غصبا تدعمون
و للشريف دومكم تعادون و تعزلون و تسّقطون
مو بحت الحناجر و دمعت العيون
كافي للوطن بمعاولكم تهدمون
ومن الشعب ما اظن تخلصون
لو الف عقد كامرات توقعون
الله و الشعب الكم يراقبون
و جهنم تناديكم لازم تنحركون
فإلى اين انتم تفرون
مثل فرعون باليم تغركون
يومها لا ينفع مال ولا بنون