هلهوله !!! هلهوله للي ما خذته القيلولة في بلد خللي ياكلون مادام خالهم طيب ؟؟؟هلهوله

هلهوله !!! هلهوله للي ما خذته القيلولة في بلد خللي ياكلون مادام خالهم طيب ؟؟؟هلهوله
#معلومة نادرآ مايعرفها احد
فتيلة قنبلة موازنة٢٠٢١
عمي الله وكيلكم والعباس كفيلكم لاقضيه سعر صرف الدولار صعد وتريد جهه يبقى ولا جهه يردون ينزلونه محبه بالشعب
ولا ذابين الحجه بتأخير الموازنة بأقليم كردستان مامتفق وي الحكومة.
ثقو بالله جذب بجذب وحق من انزل القران
الجماعه مطبقين سياسه ( جوع شعبك يتبعك ) ما ارد اگول جوع جل…… يتبعك
كل المشكله من هاي الخلافات تعرفون شنو وشصار هاي أساسها. اقراء زين ياشعب
الكتل البرلمانية والاحزاب استغلت الخلافات والمشاحنات بخصوص صرف الدولار والاقليم والمركز أستغلتها اللجنة المالية وأضافت فقرة تعتبر ? قنبلة في الموازنة لسنة ٢٠٢١
? والفقرة هي تضمن للمسؤولين التنفيذيين والتشريعين من اخذ امتيازات يضمن لهم منصبآ بدرجة خاصة طيلة حياتة … اي طول حياته
اضافت اللجنة المالية في الفقرة (و) (المادة ١٢) هذه الفقرة في الموازنة تنص على الاتي…
بأن تتلزم وزارة المالية بتعيين او اعادة تعيين (الوزراء – والمستشارين – والمحافظين – واعضاء المجالس المنتخبة من النواب واعضاء مجالس المحافظات – ورؤساء الوحدات الادارية في الاقضية والنواحي ) بتعينهم من الدرجات الشاغره نتيجة حركة الملاك في الوزرات والجهات الغير مرتبطة بوزارة وتحسب مده عملهم في تلك المجالس خدمة لهم لاغراض العلاوة والترفيع والتعاقد.
هذا نص في الفقرة (و) من المادة ١٢ اضافتها اللجنة المالية في اجتماعاتها الاخيرة مستغلين الخلافات على الموازنة بين الاحزاب والكتل لتمريرها ضمن الموازنة لكسب مكاسب خاصه لهم ولكل الاحزاب والكتل في الحكومة على حساب الشعب .
يعني هذه المادة والفقرة تضمن اعطاء المناصب ودرجات التعيين لكافه المسؤولين عند انتهاء فترة توليهم المناصب لاي سبب كان بالاستقالة او الاقالة او الغاء المجالس او انتهاء فترة الدورة الانتخابية او حتى حل البرلمان لاي سبب الفقره (و) ضمان لجميع المسؤولين السابقين والحاليين ولاحقين
حيث ان هذه الفقرة تلزم #وزارة_المالية بتدويرهم وتعينهم وضمان منصب لهم طوال الحياة بمبالغ خيالية ترهق وتثقل كاهل الدوله والشعب والموازنة الحالية والاحقه….
اقبض ياشعب هذوله مسؤولينك الذين يتحكمون بمصيرنا وبأرزاقنا وارزاق عوائلنا همهم مكاسبهم ومصالحهم فقط لاغير.
متناسين هموم الشعب والعاطلين عن العمل ومئات الاف الخريجين المنتظرين للتعيين و #المعتصمين من كافة التخصصات الذين مضى على #اعتصاماتهم شهور امام #بوابات_الغبراء مطالبين بأقل حق لهم وهو #التعيين وحتى لو كان بنصف الراتب او بالراتب الاسمي بأقل تقدير .
واعضاء مجلس النواب يتراقصون على هموم الشعب ويعدون الصفقات الخاصه لهم ولانفسهم.
فلابد للشعب ان يصحى على نفسه من هاولاء السراق الذي أبتلينا بهم والشعب من سلطهم على رقبته.
أن الاوان للشعب النايم ان يصحى ومثل ما نصبهم ان يثور بجديه هذه المرة ويطالب بطردهم ومحاكمتهم لانهم خانو الامانه وخانو الشعب والدولة.
ولو انه ما اشوف اگو صحوه لهذا الشعب تعلم وارتاح على #الكفخات الا ما رحم ربي
شعب ينطبق عليه مثل نايمه عليه #طابوگه
العنده غيرة وشرف من الشعب يرفض هذه الفقرة (و)من المادة ١٢ بالموازنة
والاء لحد يگول اني شجاع وما اخاف وهيهات منا الذله واحنه شعب لايقهر وهذا الخريط الي كله كلاوات بكلاوات. هاي رصاصه الرحمة بنعش الكرامة