أني أبن المايدنك للرصاص.. لوردت تعرف شكول….
روح للتاريخ عني واسألة. تعرف بسوح الوغى شسجل أبوي
عاد أمجاد الرياحي بكربلة. تعرف شكم طعنة نطلب بالطفوف؟
وتعرف شكم سهم نطلب حرملة؟ تعرف جفوف ألنه يمهم.
وراس مضروب بعمود ..وعين مضروبة بسهم يم الفرات
العاف ماية وصار نهر المرجلة وألنة يمهم شاب شالوا بالحصيرة.
وعدنة عريس أنصرع بأرض الطفوف طلعت أمة وعمتة تستقبلة
وتعرف شعدنة بعد يمهم هناك…. عدنة آيات الكتاب بأكملة
بطل مكلوب إعلى وجهة بلاية راس غير التاريخ جده
وسيف أبو سقط عروش ورغم ذلك ماكو واحد غسلة
هذا كلة نطلبة دين وراح أبوي الدين جابة إحنة كُلنة موثقينة
وطبعا التاريخ هم مسجلة
فات للميدان أبوي وصاح بيهم يا لثارات الحسين..
وصار يوم أسود عليهم مثل يوم الزلزلة..
