نوري المالكي .. كلمتك هاي مال وحده عاهره!

شكد عيب على ريس وزراء , صارله ثمنسنوات قابع بجحره , اليوم أكتشف .. ليش رعيته المظلومين متذمرين وساخطين من وقوفهم طوابير في السيطرات.. وليش المواطن أيروح للمستشفى , وما يلكي دوى بالصيدلية .. وهسه أبو سراوي , عرف حال العراقي لمن يطلع على التقاعد .. وشاف بعينه شلون يفقد العراقي كرامته بدوائر المرور.. أني سميتصحوة المالكي هاي .. مهزلة عاهره .. تصوروا ريس وزراء بهاي القباحه والرعونه , وهو يسخر ويريد أيقشمر العراقيين مرة ثالثه.. بعد ثمنسنوات يا قاسي, تكتشف شلون حال العراقيين بدوائر حكومتك .. جاه وين جنت هاي المده كلها .. صدك جذب, صح النوم يا عريس ,أني أكلك وين جنت , جنت تعتمد بس على مستشاريك الفلته .. وعلى وزرائك اللي صارو مافيات ..بابا ذوله كلهم جذابين , وخوات كحبه ..وهمه ذوله سبب فشلك وسقوطك , وخلوك تتناوش الدكتاتوريه بايه بايه.. وذوله نفسهم راح أيصفكون من توكع وحدك .. ليش مو أنت حجي , وخوش زلمه , وشفت القحط والعوز بعيونك .. ليش هالشكل يا أبو أسراء..
كلت فد يوم , خلي أروح أزور مستشفى , وأسأل المرضى عن أحوالهم .. ليش رحت مرة وشفت الناس التعبانه وهي من وره شباج صغير, تترجى موظفي التقاعد اللي شبعو, حتى ياخذون معاملاتهم .. زرت مدرسه وعرفت حال الطلبه شلون عايشه وشلون تقره ..سويتلك جوله بشوارع بغداد , وشفت الخيسه والمرض شلون معشعش بيها .. زرت محافظه وألتقيت بناسها وعرفت شيريدون منك ..أشو يا أبو سراوي كضيت ولايتين , بس فرهود وخمط , أنت وعائلتك , والاقربون .. وشكو واحد خمط , أنت تحميه وتسهل أمره كدام القضاء , ويطلع للخارج يلعب بالملايين جوله ..وهسه من شفت الحديده حاره عليك , وعرفت بعد العراقيين ما ينضحك عليهم .. تريد أدش علينا بفيكه جديده .. لا أبو سراوي .. لعبتك أنتهت ..
أتقي الله أبو سراوي بهاي الوادم .. تره الله فوكك ..ولا تصير فرعون على العراقيين ..والدهر يومان , يوم لك , ويوم عليك .. وهاي السيارات المفخخه اللي أدزها , مره بالحله ومره بكربلاء , وهاي اللي بالكوت , صارت مكشوفه , وأحسنلك بطل هاي الملاعيب .. تره الزمان يكشف كلشي .. والانتخابات لازم تصير , ولا تحاول تختلق الاعذار , حتى تروح للتأجيل .. العراقيين صارو أيعرفون من نبرة صوتك يا أبو سراوي , شنو تقصد وشنو تريد بالضبط .. عشرة عمر وياك .. بس العمر ما بيه بعد عشر سنوات يا أبو سراوي ..