لكيت حل دستوري يرضي المعلك والطرح ..وميزانيه وبلنص للغف ..حتى ميزانيه الحكومه تنباع وتنشرى ..ولكم هاي وين جانتنه ..وهذا الحل لو بس نسوانه أيوافقن عليه ..لان كلشي بيد النسوان حتى هذا العراق العظيم بيدهن .. متصدكوني أسألو مريم الريس ..أروح فدوه لكل ريس ومو كل ريس ريس.. ويكولون وراء كل زمال صخل ..الحل هذا ضد الطائفيه والفساد ..وضد كلمن أيمد أيده ويلغف المال العام ويروح ألبيروت يشتري قصور ويخزن دولارات الشعب الجايف هناك..ضد كلمن يحضر وهسه مجلس عزاء حتى أيعرفوه المعفنين ويرشحوه بس ينشحت مثل الجلب وبالنعال يصعد سيارته.. ضد القضاء اللي أيشوف حيوانات تبوك اللكمه من حلوك المسموطين وتسافر وهو ميسوي شي .. ضد المرجعيه المعلك والطرح وهيه تغلس عن صنادل تلعب بالعراق العظيم عبالك طابو مال روح ألخلفهم وبيوم الجمعه تطلع راسها وتضمه مثل النعامه وهيه بيدها تكلب الجماعه عالبطانه .. ضد العفطيه من الشعب العفطي اللي عض أصبعه ندم ويروح ينتخب نفس الكواويد مره ثانيه ويثبت أنو هو شعب عاهر.. ضد كلمن يمنع الناس العراقيه الطيبه من التحقيق بصفقه السلاح .. ضد عدنان الاسدي اللي يسمح لمليشيات شيعيه العبث بأرواح بشر لا حول لهم ولا قوه ويتناوش العرب السنه بالسره وين أتوجعكم.. ضد رئيس وأعضاء حزب اللغوه وهمه أيخوفون ويرعبون الناس بأسم الشيعه والشيعه منهم براء!!
وهسه نرجع للحل الدستوري وهاي طبعا أذا نسوانه أتفقن وصارن أيد وحده.. وأني متأكد أن نسوانه أفضل من ريايلنه ..لان هاي الطريقه نجحت في الفلبين بين قبيلتين جانت البوكسات والقنادر الطريق الوحيد لحل قضاياهم , ونسوانهم أجبرو زلم القبيلتين أنهاء الصراع , بعد أن خيرو الزلم بين الدوشك والدوشكه, ورفعن شعار النوم في الفراش أو النوم في الاحراش !!
وأكو محاميه ناشطه من توغو, دعت الى أنقاذ بلدها من الطغيان والفساد ( مثلنه ) بتحريض النسوان الى الامتناع عن الجنس ويه زلمهم لسبعه أيام .. أنطيني زلمه من ظهر أبوه مينام يم مرته يومين .. أيظل يفتر بالفراش أدكول دينمو .. وعيونه أدكوم تغوش ويفقد السيطره على نفسه ويكوم أيبول وهو واكف .. وترك زلمهم أينامون عالقنفات .. تعرفون ليش .. حتى يشتركون الزلم والنسوان بمظاهره لاطلاق سراح المئات من المعتقلين والدعوه لاستقاله رئيس البلاد اللي ورث السلطه عن أبيه ( هم مثلنه ).. وبدون شقه ولا مزاح هاي صارت بهواي دول سياسيها جانو لغافه وعلاسه .. وكدرن النسوان من تنفيذ خططهن.. مو أحسن من الرياييل!!
أدعو من أهنا من كتابات ناهبتين وحده من التحالف الوطني والثانيه من العراقيه مثلا حنان الفتلاوي وعاليه نصيف ..أن أيقودن مظاهره نسائيه تنطلق من البرلمان ويشتركن بيها كل نسوان العراق وناشطات المجتمع المدني لانهاء الطائفيه ومكافحه الفساد وأطلاق النسوان المعتقلات البريئات والمعتقلين الابرياء وتعديل فقرات الدستور العراقي .. ويرفعن شعار قشمرتنه المرجعيه وجابتنه السرسريه ..وعلى نسوانه كلهن أيحجرن زلمهم ومينامن وياهم ..مو تتقشمرن بسرعه صيرن سباعيات .. ولا أيسون أكل لمده أسبوعين يعني خميسين .. زين أكو زلم تكيف ويكلك أخذهن وشد عليهن حزام ناسف أو حطهن بسياره مفخخه وفوت بيهن عالمنطقه الخضراء وخلصونه منهن .. لو أكو زلم أدكول هذا يوم عيد .. لا تصدكون أكو رجال يعرف يمشي لو يلبس بدون مره ..وهاي مجربه الشغله .. وذوله زلم مو هوايه ..أحنه نحجي عالاكثريه اللي عنده زوجه أيحبها من صدك وميكدر يستغني عنها.. بشرط أن يوافق الزلمه على الاشتراك بمظاهره ضد الطائفيه والفساد.. وحتى أيعرفون الزلم أن هناك نسوان بالمجتمع العراقي نسوان وكفن ويه الرجل بالمره والمره لان أحنه بالعراق ما عدنه شي حلو..شدكولن يا عراقيات!!
وما خفي كان أعظم