موجة الحر اللهابة…والكهرباء

في النقد الساخر”ديوان سخريات” الجزء الثاني
رحمونه شويه ياناس…. وانطونه الكهرباء
خمس وخمسين مئوية….. بعراق الاستواء
صامد شعبنه وصابر…… ويقاتل هالاعداء
بوجه الموجه اللهابه …..وداعش والعملاء
فوكانه ” الاوزون” مفتوح…شموخ وكبرياء
رحمونه شوية يا ناس ….وانطونه الكهرباء
*********************************
 زادت  عدنه  الحراره …انصبنه بحمى الابداع
متألق ها العراقي ………حامي شرف ها الگاع
السخونه والحراره…………شملت كل الاحياء
رحمونه شويه ياناس ………وانطونه الكهرباء
************************************
                                      ضربة شمس متهمنه………….حته بآب اللهاب
نشرب ميه من البوري… وما ترخه ها الاعصاب
بالانبار نبقة نقاتل ………….بالسهل وبالصحراء
رحمونه شويه ياناس………. وانطونه الكهرباء
امريكه وصهيونية …………..وداعش والتجار
منعوا علينه الميه ………….والثلجه ها الكفار
قالب ثلج بعشره ………….من تطفي الكهرباء
رحمونه شويه يا ناس ……..وانطونه الكهرباء