وليدي يضي العين
وليدي يبعد جلاي
اتنطرك صار سنين
كل سنة تكلي جاي
رسمك يمرني بطيف
بلجن تجيني ضيف
وتطفي نار حشاي
…………………
انشد ربع وياك
هجروا اهلهم
ردوا كبل شهرين
رحت اسالنهم
هم شفتوا ابني هناك
وشنهي اخباره
شلونه الوكت وياه
وهم يرد داره؟!
…………………..
من رحت كبل سنين
كتلي يايمه
ارجعلج آنه بساع
بس تنجلي الغمة
واتوسدت باب الدار
صبح ومسيه
وانخى بابو الحسنين
يرد ابني ليّه
ومرن سنين طوال
وما نوريت البيت
لا الغمة زالت يوم
ولا انت رديت
