وزير الكهرباء يستقبل وسط بخيخ السبالت رئيس الحكومة وهو يرتدي، قاط بهاري ورباط مايعبر نسمة هوه ويرحب به وسط دائرة اتصال تلفزيونية لكل محطات الكهرباء الرئيسية في العراق ويبشره بإنجاز منظومات التبريد للمحطات الغازية ويطلب منه افتتاحها ويباشر الرئيس بالاتصال بالمحطات وسط ( يلخ) من مسؤولي الكهرباء حتى ابو العلوج مايالخ مثلهم وبعض المواطنين فكروا بإخراج الستر والمعاطف لكن احد المنكوبين في أطراف أحد أحياء التنك صرخ بأعلى صوته..
وعلي الشرجي كله شيلمان
المشهد الثاني
درجة الحراره ٥١ والوطنية تطفا اربعه وتجي ساعه ونص وأبو المولد مطفي ومايشغل الا يصير سعر الامبير ١٥ والماي مكطوع والكل مصاليخ والحجي كل ساع وصاح جاي بابا والمسكينه تتوسل حجي والله تشوي ومابيه اگابل الطباخ حاره
والحجي بكل رهاوه يرد عليها..
ولج عمي هذا الحر مو حقيقي الحر الصدگ بعده ما جاي.. جيبي جاي
المشهد الثالث
لك هذا اشلون حر واشراح يفضها وابو الكهرباء يكذب وابو المولده يسلب
. حجي هاي طباخات الرطب
. امشي ابوك على ابو الرطب على ساعة السوده الجابتني لبلد الرطب والكذب والبوك والنهب وبعدين احنا شنو علاقتنا بالرطب حتى يطبخوه ببيوتنا شو هو الرطب بس الهم ولحبايبهم لو الخير لابو حصان والزبل ع الخانجي
. اذا ميعجبك حجي شوفلك ديره
. وبعدين
. عود من ترجع يعتبروك مجاهد
. لك وين نعالي.. گوم لألعن ابوك لا ابو حتى..
.
المشهد الاخير
في تشرين الثاني سنجهزكم ب ١٥ ساعه كهرباء يوميه.. انتظرونا لا تموعون بتموز وأب