7 مارس، 2024 1:29 ص
Search
Close this search box.

ليش بوكت ( الدكتاتور ) صدام ماكو !!!

Facebook
Twitter
LinkedIn

للمقارنة والذكرى.. والحقيقة يجب ان تذكر حتى ان كانت مرة كالحنظل ..

ليش بوكت الدكتاتور صدام ما كانت اكو مخدرات ابدا وبوكت رجال الدين اصبح العراق والحمد لله من اوائل الدول بالمخدرات ممرا وسوقا واستهلاكا للمخدرات

ليش بوكت صدام كان عدد المعممين 15 الف وما الهم حق يتدخلون بالسياسة وبهذا الوكت المعممين 15 مليون وما بقوا شي ما تدخلوا به السياسة والاقتصاد والقمار والعقار والكحاب والكواده …

ليش بوكت صدام ياويل التي تمسك بالدعارة ( اكو دعارة بالسر ) وبوقت المعممين اصبح العراق ينافس باريس بالدعارة واصبحت الدعارة شرف وعزة وصاروا الكحاب والكواويد با…

يكدر واحد بوكت صدام يلعب دومنه من فلوس بالكهوة ..وهسه فتحوا كازينوات للقمار مثل لاس فيغاس وصارت العمايم روليت تفر

ليش بوكت الدكتاتور صدام ماكان اكو ( لواط ) واكو قانون باعدام من يمارسه والحمد لله في عهد المعمميين يقولون ان عدد الشاذين والشاذات جنسيا اكثر من 25% من الشعب وقسم منهم ماشاء الله لهم مراكز في الدولة ودبلوماسيين وقسم منهم لابسين عمامة

وليش كنا نقول للشيوعيين شويه على كيفكم بالالحاد واكو الله وكانوا يقولون لا.. نحن نؤمن بالديالكتيك وان الطبيعة هي التي تخلق الفيل .. اما اميركا الامبريالية فنحن اعداء لها حتى الموت ولاصلح ..وبوكت الديمقراطية صاروا يلبسون عمامه وحميد مجيد بعد شويه يلبس عمامه .. ويه الامريكان بوس وحضن للصبح شنو القصة

وليش بوكت صدام ما كنا نسمع بموفق الربيعي ومثال الالوسي ومحمود المشهداني وعبعوب ومنين طلعوا الفطريات بعهد الديمقراطيه

وكانت الماسونية والبهائية ممنوعة والان ماشاء الله الجماعة سيطروا على مناصب مهمة في الدولة

اكو واحد مسؤول بوكت صدام عنده جنسية اخرى غير العراقية .. وبوكت الديمقراطية ماشاء الله كلهم شايلين جنسيات اجنبية لا واياد علاوي عنده خمس جنسيات وسفراء اجانب يمثلون العراق وزوجات دبلوماسيين اجنبيات وفاتحين نوادي تعري في السفارات

ليش بوكت ( الطاغية ) صدام اكو دولة ما تحترم العراق واكو واحد يرفع علم غير العلم العراقي بالغلط حتى يشوي ابوها لهذه الدولة وبهذا الوكت الدول ترفع علم كولومبيا وتقول هذا علم العراق ويعزفون يابط يابط على اساس السلام الجمهوري العراقي ولا احد يحجي وامس فضيحة اسبانية رفعوا علم العراق القديم … هاي لو بوكت صدام !!!

ليش بوكت صدام ( هيله) موظف يرتشي يسفروه لابوغريب وليش بهذا الوكت ( هيله ) موظف ما يرتشي ( كبل لمقبرة ابو غريب ) يقتلوه المرتشين

ليش بوكت صدام ( هيله) امير كطر ما يستعد لرئيس الجمهورية وهو يرجف وبهذا الوكت امير كطر ما يطلع باستقبال رئيس الجمهورية

ليش بوكت صدام كان الكهرباء ينقطع ساعة واحدة ( رغم الحصار ) وبهذا الوكت الكهرباء ( يجي ) ساعة واحدة

ليش بوكت (الطاغية ) كان التعليم في العراق قد وصل الى مستوى تشيد به اليونسكو والجامعات الدولية وبهذا الوكت صار توزيع شهادات الدكتورا ببلاش .. واحد مقدم اطروحة ( اسباب اختلاف الوان صوف الخروف )

ليش بوكت صدام كان حميد معلة وسخ ودشداشته وسخة لونها رمادي وبهذا الوكت صار نظيف ودشداشته وعمامته بيضه

ليش بوكت صدام جانت الموازنة السنوية 7 مليار دولار وكلشي ماشي وبناء جسور وتبليط ورواتب واكل وحصة تموينية وشراء اسلحة وهسه 100 مليار دولار وكلشي ماكو فقر وجوع ووساخة وقذارة و…

ليش بوكت صدام اكو عدي واحد نخاف منه وهسه اكو 16 الف عدي ابن عمار الحكيم عمره 3 سنوات يتحارش بالبنات

ليش بوكت صدام نسبيا كانت بغداد مدينة نظيفة والان اقذر مدينة في العالم هي بغداد

بعد تريدون

ليش بوكت صدام ابراهيم الجعفري خاتل بالقمقم وبوكت العمايم كسر القمقم وطلع شلون من ساعده وكسر القمقم .

وليش بوكت صدام كان خضير الخزاعي وكيل امن يرفع تقارير عن حزب الدعوة وبوكت الديمقراطيه صار نائب رئيس الجمهورية لا والله رئيس جمهورية

ليش بوكت صدام الطب على احسن ما يكون عدا فترة الحصار والان في عهد الديمقراطية تروح للمستشفى حتى تستاصل بلاعيمك يقص الدكتور الزائدة الدولية لو يقص ….عباله بلاعيمك هناك

ليش بوكت صدام كلنا كنا نخاف من واحد وهسه اكو مليون واحد نخاف منه

وليش بوكت صدام اذا تمشي بدربك مستحيل احد يتحارش بيك وهسه حتى لو تمشي بسد الحايط تجيك طلقة طايشه وتروح بيها

وليش الفريق العراقي طول عمره يخسر ومااكو واحد مثل عدي يضرب كاكه عبد الخالق مسعود فلقة ويخلص العراق ( منج يامسعود ) وياها دفرة وجلاق

وليش بوكت صدام هيله واحد يسالك انت شيعي لو سني وهسه اول ما تسلم عليه يسالك من يا عمام وعندما تقول له لقبك العبيدي مثلا يحير !! يعني انت من يا فخد .. والله اني من فخذ الدجاج ؟؟؟

وليش هسه بس تنتقد الحكومة واذا تقول ماكو كهرباء يقول لك انت اكيد بعثي

وليش بوكت صدام جان اكو قيمر مال سدة وكلش طيب وبوكت الديمقراطية صار القيمر كله كذب ونشا

وليش بس سقط صدام سقطت كل الاخلاق

وليش وليش محد يصدك اني مو بعثي بس (دستوا ) بفادي

ملاحظة حيثما وردت كلمة المعممين فالمقصود المعممين من السنة والشيعة

مقالات اخري للكاتب

أخر الاخبار

كتابات الثقافية

عطر الكتب