14 سنة تدّعون انكم ديمقراطيون ..السنة تظاهروا سلميا اكثر من سنة لم تعطوهم الحقوق المشروعة التي كانوا يطالبون بها بل دمرتم مدنهم ومنازلهم فوق رؤوسهم بحجة داعش اللي جاء بها المالكي مالكم , وجماعة مقتدى اقتحموا مقراتكم بالقوة وما عملتوا لهم شي ( ولو حقهم  واني أأيدهم . مطلوب المرة القادمة طردهم وليس اقتحام مقراتهم فقط .. ما أوصيكم خوتي خوتي   ) ..هاي اشلون ديمقراطية .. جا شنهي بس الكم ؟!الديمقراطية اتقول مشاركة جميع اطياف الشعب بالحكم او على الاقل يأخذون نصيبهم وفرصتهم بدخول الانتخابات ,فلماذا معطلين اكثر من نصف الشعب وتاركيه في الزاوية14 سنة.. هاي اشلون ديمقراطية .. جا شنهي هي بس الكم ؟!
الديمقراطية تعني ان تعمل الحكومة المنتخبة على اسعاد الشعب فلماذا انتم اذقتم شعبنا الويلات من قتل وسرقات وتهديم بيوتهم وفقر ,هل تفهمون الديمقراطية على انها فرصة لازالة الآخرين وقتل اتباعكم مرة بسبايكر ومرة بالحشد  ومرة بالجهاد الكفائي هذا كفن وليس كفاء !؟!.. الشعب يعاني وانتم عايشين بنعيم الأرض وكأنما تعلمون ان نهايتكم النار وبئس المصير !هاي اشلون ديمقراطية ..جا شنهي هي بس الكم ؟! مرة تفجيرات على السنة ومرة تفجيرات على الشيعة وانتم من يعملها لكي تقسموا الشعب وتثيروهم على بعض, لان بهذه الطريقة يخلوا لكم الجو. 
الديمقراطية تعني احترام القانون , أي ما اتكولولي أي قانون بقى ما انتهكتوه ؟ هي هاي الديمقراطية .. جا شنهي هي بس الكم ؟زين 14 سنة الدولة خان جغان بيديكم لا ديوان محاسبة يشتغل ولا لجنة نزاهة اتحاسب لا ويطلع واحد بيهم بصفاقة يقول قبضت رشوة حتى لا اكشف الحرامية ..أي هاي ديمقراطية لو ديمخراطية .. جا شنهي هي بس الكم ؟!
الديمقراطية لا تعني ان تصرفوا مثل ما يحلوا لكم وواحد يغطي على الثاني بل تعني انه من حق اي واحد ان يكشف ويحاسب  الفاسدين الاخرين والحرامية ومخالفي القانون والدستور ..هي هاي الديمقراطية ؟.. جا هي شنهي ؟!
الديمقراطية تقول توزيع ثروات البلد على جميع ابناء الشعب بالعدل والتساوي,اشو انتوا 14 سنة تصرفون على الهريسة واستقبال الزوار و السرادق والشربت البارد وصبغ قنادر الزوار! ..زين احنة السنة واللي ما شارك افعالكم من شيعة و مسيح وكاكوات وغيرهم  نطالب بما يعادل هذه الاموال نقدا ..شوفوا كم مليار صار صارفين وبقدرهن وزعوها علينا .. حقنا .. يعني غلطانين نطالب بحقنا ؟! .. هي الفلوس مال خلفكم ؟ ..اللي بالداخل ياخذ من الاوقاف واللي خارج العراق من قنصلياتكم وماكوا تمييز ..اذا ما اتسووها مثل ما اعتقد فانتوا كلشي ما تفتهمون بالديمقراطية وانتم عصابة عبيد لايران تحرككم مثل بيادق الشطرنج  وهذه غلطة اتباعكم لان هم الذين امبقيكم بحكم الفرهود هذا ,وانتم طائفيون وعنصريون وحرامية و سبب مصايب الشعب سنة وشيعة ..يابة كلامي صحيح لو لا ؟ هذه السنة لازم اتغيروهم ..كافي عاد خلي انعيش براحة ونشوف السعادة بسكم قتل وقتل مضاد .. مو؟!