لسان حال عراقي مربي مطي(اجلكم الله) .. صحى الصبح لگة المطي ميت..!!.
أخذه عالدكتور البيطرى.. حتى يعرف سبب الوفاة..!!.
تفاجأ لما گاله الدكتور.. أنو المطي مات بالجلطة..!!.
دار وجهه عالمطي.. ولزم اذاناته.. وگام يحاچيه.. بعتب. !وحرگة واستغراب!!
جتك جلطه ليش..!!.؟.
خريج هندسه وملاگي شغل..!!؟.
خريج ادارة واقتصاد.. وواگف بسوگ المخضر..!!؟.
خريج آداب..وتسوق تكسى..
لو تنتظر التعيين.. ؟
رحت ترقّم الكيا.. ولگيت عليها مخالفات وانت ماخذها من الشركة..
منين جتك الجلطة ..!!؟.
متداين.. ومتورط وماعندك تسدد..!!؟.
جتك قائمة كهرباء.. وما گادر تدفعهة.. وگطعوا عنك الكهرباء..!!؟. وفوگاها ابو المولدة سالگ اهل اهلك!!؟
إجاك راس الشهر وماعندك تدفع أجار البيت وسگف الغرفة يخر .. لو جهالك ماعدهم هدوم وكاتلهم البرد ..!؟
منين جتك الجلطة ..!!؟.
من الوضع السياسي والنواب أغلبهم كذابين ، اللي بدم الشعب يتاجرون.. لو من حكومة الحرامية..لو اﻻعلام الرخيص الفاسد..!!؟.
منين جتك الجلطة.!!؟.اخاف على التقاعد اللي مايكفي لنص الشهر..!!؟ لو من گطعوا راتب الشبكة الاجتماعية.. ؟
غاثك ابو علي الشيباني مثلاً..!!؟
جتك الجلطة منين..!!؟.
مشتهي السمچ.. لو اللحم وماتكدر تشتري!!؟.
جيت تشترى دجاج.. ولگيته من كثر ما مجمد صاير چنه لاستيك..!!؟.
رحت تجيب الحصة.. وگالولك ماكو غير الطحين المعفن ..!!؟.
وين لگتك الجلطة ..!!؟.حاط خط نت بخمسين الف..والنت يعلس لو ما يجي اصلاً..!!؟.
مشتهي تين.. لو المشمش نزل السوگ.. وخلص.. وانت ما سمعت بيه..!!؟.
جتك الجلطه ليش..!!؟.
نص گرايبك بالسجن..!!؟.
حاكمكم باع الگاع.. ويتوسل بالبعثية يرجعهم بس كون يبقى يسوگ عليك !!
التعليم تافه..!!؟.
لو القضاء فاسد وغير عادل..!!؟.
جاوبني ليش انجلطت يمعود..!!؟.
قريت ورقة التسوية وإنصدمت بيهه..!؟
الشعب جاهل..!!؟.
لو نص الحكومة ارهابية..!!؟
لو شيخ الجامع فاسق..!؟ ويتاجر بالدين؟
منين جتك الجلطة.!!؟.
گولي..يعني تريد تفهمني إنتة تحس اكثر من عدنه ..!!.؟.
روح الله ينطينه من صبرك شويه
