الان انبذل جهد وطاقة وتفكير وتخطيط ودقة في بناء ومأسسة ( التحالف الشيعي ) واكيد بالجانب الثاني هم راح تنبني عمارة ناطحة سحاب مقابلة اسمها ( التحالف السني ) واكيد اخوانجية .. الان بدت قريحتهم تشتغل .. لان السالفة مو بلد .. مو شعب … السالفة .. همه وين .. وشنو مستقبلهم مع الايام ..همه مبتلين بروحهم . دايخين بروحهم .التحالف يردونه يصير مؤسسة .. ومؤسسة معناها اتقاق .. يعني التحالف عبارة عن ارادة رسمية .. طيب انا اللي يقتلني .. اريد رجال يمأسسون دولة .. يبذلون جهد وطاقة وتفكير وهدم وبناء في انتاج دولة .. انتو ليش رايحين تستمنون بالتحالفات .. الشعب الفاك حلكه يريد دولة .. يعني هسه والله الشاهد .. الشعب ممتحن بروحه واله بس الله .. والسياسيين ممتحنين بروحهم .. يردون يحمون روحهم في البقاء .. التحالف ليس باتجاه شعب .. التحالف تعبير عن قلق السياسيين في صراعهم بالطبيعة .. واحنه الان امام مشكلة .. مشكلة ان الشعب الان يتامى وما الهم احد بس الرب .. والسياسيين هسه دايخين بروحهم .. بناء مؤسسة بهذا الاتجاه ( تحالف شيعي ) بمقابل ( تحالف سني ) .. معناها انه اللي يخيفهم هو زوالهم ويردون يعززون بقاءهم … اي شيء باتجاه الشعب العراقي من جراء نواتج لهذه التحالفات لايوجد .. بل بالعكس ..يقابل بناء تحالفات .. هجرة السياسيين عن العراق والعراقيين بالعنوان الوطني .. وبهذا التاسيس .. بعد ماكو شي اسمع عراق .. اكو .. موقف شيعي .. موقف سني .. موقف كردي .. زين هذا مو كير تعليك …؟؟
